Sorry, you need to enable JavaScript to visit this website.
Skip to main content

8 أكلات عشان نوم عميق

Sleep

مع مشاغل الحياة، انك تنام نوم مرتاح متواصل من أصعب الحاجات اللي ممكن تحصل. أول ما بتحط راسك على المخدة يبدأ التفكير و تفضل تعد فاضلك كام ساعة عشان "تصحى" لحد ماتلاقي المنبه رن و ما نمتش خالص. تعرف ان الأكل ممكن يساعدك تنام نوم عميق؟ ال8 أكلات دي حتخليك تنام من غير أي تفكير:

 

1.   الكاموميل.

الكاموميل حيساعدك تهدي أعصابك و بالتالي تنام أسرع.

 

2.    كبشة لوز

حط كبشة لوز الصبح في شوية مياه و قبل ما تنام شيل قشر اللوز و كُله. المجنيزيوم الموجود في اللوز حيرخي عضلاتك و البروتين الموجود فيه بيخلي نسبة السكر في الدم متوازنة.

 

3.    الشوفان.

الألياف و المعادن الموجودة في الشوفان بتخلي جسمك يسترخي. بس متحطش سكر على الشوفان بالذات قبل النوم عشان انت كدة بتقلب تأثير الشوفان على جسمك بانك بتدخل له سكر بيزود الطاقة.

 

4.    العنب

العنب فيه ميلاتونين، المعروف باسم هرمون النوم. كُل كمية قليلة من العنب قبل النوم أو زوده على الزبادي في العشا عشان تاكل وجبة خفيفة و مهدئة.

 

5.   الموز

الموز فيه عناصر غذائية مهدئة زي البوتاسيوم، المجنيزيوم، و التريبتوفان اللي بيساعدوك تنام بشكل أحسن.

 

6.  التوست.

التوست بيحفز انتاج الانسولين اللي بدوره بيحفز هرمونات الاسترخاء في الجسم زي السيروتينين و التريبتوفان.

 

7.    الكريز

الكريز من الفواكه الغنية بالميلاتونين اللي بيساعد على ظبط الساعة البيولوجية للجسم.

 

8.    لب القرع العسلي.

من المصادر الغنية بالمجنيزيوم اللي بيهدي الجسم و بيساعد على التخلص من الضغط العصبي فا تنام بشكل أحسن.

 

و زي ما في أكل بيخليك تنام كويس، في أكل هو السبب اللي بيضيع النوم من عنيك. اعرفه من هنا.

 

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا