Sorry, you need to enable JavaScript to visit this website.
Skip to main content

10 أكلات عشان تقوي عضمك (اللبن مش منهم)

Highlighted bones

طبعا أول حاجة بتيجي في عقلك لما بتفكر انك تقوي عضمك انك تشرب لبن عشان هو غني بالكالسيوم، و لو مش بتحب اللبن ولا منتجاته، يبقى انت كدة أكيد عضمك ضعيف، صح؟ لأ، غلط! تعرف ان في منتجات غير منتجات الألبان غنية بالكالسيوم؟

 

1-  السردين

100 جرام من السردين المعلب فيه 380 ملجم من الكالسيوم و هو من أكتر الأسماك المفيدة لجسمك عشان فيه كمان أوميجا 3 و فيتامين D.

 

2- الجرجير

الخضار دايما بيقف جنبنا في كل الأحوال و بيزود أجسامنا بالعناصر الغذائية اللي بيحتاجها. 100 جرام من الجرجير فيهم 160 ملجم من الكالسيوم.

 

3- الفاصوليا البيضا

البقوليات حقهم دايما مهدور بين الأكل برغم من انهم أغنية بالعناصر الغذائية المفيدة. كوباية من الفاصوليا البيضا المعلبة فيها حوالي 150 ملجم من الكالسيوم.

 

4- العسل الاسود

معلقتين من العسل الاسود فيهم 140 ملجم من الكالسيوم.

خلي بالك: متزودش عن معلقتين عسل اسود في اليوم عشان سعراته الحرارية عالية.

 

5-الطحينة

و طبعا العسل الاسود ميكملش من غير طحينة. معلقتين من الطحينة فيهم 140 ملجم من الكالسيوم.

خلي بالك: العسل و الطحينة من الأكلات المشهورة في مصر بس سعراتها عالية فخلي فلازم تتحكم في الكمية.

 

6- البرتقال

البرتقال مشهور بالفيتامين C، بس تعرف ان برتقنتين متوسطين فيهم 130 ملجم من الكالسيوم.

 

7-     البامية

يا سلم على طاجن بامية على الطريقة المصرية بس بعيد عن الطعم تعرف ان كوباية من البامية المطبوخة فيها 90 ملجم من الكالسيوم؟

 

8-     اللوز

اخصائيين التغذية دايما بينصحوا بأكل المكسرات بشكل يومي عشان فيهم دهون صحية. بس كمان ربع موباية مكسرات زي اللوز فيها 80 ملجم كالسيوم. بننصحك انك تكال مكسرات غير مملحة عشان تتفادى ارتفاع ضغط الدم.

 

9-     الحمص

كوباية واحدة من الحمص فيها 80 ملجم من الكالسيوم.

 

10- البروكلي

البروكلي غني بالفوايد الصحية و العناصر الغذائية اللي بتقوي صحتك و من العناصر دي الكالسيوم. كوباية من البروكلي فيها 50 ملجم من الكالسيوم.

لو مش بتحب منتجات الألبان، مفيش داعي انك تقلق. كل 5 حصص من الخضار و الفاكهة و بكدة حتكمل احتياجك من الكالسيوم في اليوم. اعرف ازاي تزود الكالسيوم في استخدامك اليومي من هنا.

 

 

 

 

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا