Sorry, you need to enable JavaScript to visit this website.
Skip to main content

اتحكم في طبقك، قبل ما طبقك يتحكم فيك

Plate of Healthy Food

يا سلام على يوم المحشي العالمي...يوم بتستناه كل فترة عشان تاخد بريك من الدايت لأنك عارف انك مش حتقدر تمسك نفسك و ممكن تخلص الطبق كله لوحدك في 10 دقايق. و مين فينا مبيعملش كدة؟ كل واحد فينا عنده نوع معين من الأكل مبيقدرش يمسك نفسه و لو اتحط قدامه حيخلص يعني حيخلص! و عشان تقدر تتحكم في الكمية، امشي على ال4 نصايح دول و متخليش طبقك يتحكم فيك:

1. خليك انت الكبير!

خليك انت الكبير و اشتري كميات صغيرة من الأكل بالذات لو لو بتشتري أك انت عارف انك مش بتعرف تمسك نفسك قدامه. اشتري حصة تكفي عدد الأشخاص بالظبط و خلي بالك من مكونات كل منتج بتشتريه (اعرف أكتر عن دليل نستلة الغذائي من هنا). ممكن كمان تقسم العبوات الكبيرة لعبوات أصغر عشان تقلل الكمية اللي حتاكلها لو لازم اخلص العلبة.

 

2. بعيد عن العين، بعيد عن البطن.

ابعد كل المنتجات المغرية عنك زي الحلويات، المعجنات، الشيبسي و البطاطس المحمرة و خزنهم في مكان بعيد عن عينك زي رف عالي مش سهل توصل له أو ورا التلاجة. لو فضل الأكل دة قدام عينك، حتاكل أكتر و تخزن دهون أكتر.

أحسن حل: كل الأكلات اللي مش بتقدر تمسك نفسك قدامها برة البيت بس عشان تقدر تتحكم في الكمية.

 

3. جمد أكلك!

لما تطبخ أكل كتير زي لو عندك عزومة في البيت، اتخلص من البواقي على طول بانك تشيلها في الفريزر و تجمدها. بكدة حتحمي الأكل من انه يخسر و حيبقى عندك وجبة جاهزة ليوم تاني.

 

4. مشي أكلك على الطريق الصح!

من أخطر المشاكل لما تحاول تحدد كمية الأكل اللي بتاكلها هي انك بتاكل من العلبة أو الكيس على طول بالذات لو بتتفرج على التليفزيون عشان كدة بتاكل أكتر من غير ماتحس.

 أحسن حل: خد كمية مناسبة من الأكل من العلبة حطها في طبق و من الطبق لبقك. 

 

سيبك من اللي بيقول لك انك مش حتقدر تخس ولا تحدد كميات أكلك، عشان انت بشوية حيل صغيرة زي دي تقدر بسهولة تحدد كمياتك و متنساش تدخل الرياضة في نظامك الصحي. اعرف كمان نصاينا عشان تخس من هنا.

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا