Sorry, you need to enable JavaScript to visit this website.
Skip to main content

4 أسباب حتخليك متقدرش تستغنى عن الرياضة

Start Now

عارف اللحظات اللي بتعد تسرح فيها بخيالك و تشوف شكل جسمك زي اللي بتتمناه و تقعد تتمنى ان يبقى فيه حل سحري أو تعويذة سحرية تخليك تبقى رفيع أو معضل بسرعة؟ المفجأة: الحل السحري هو الرياضة! ال4 أسباب دي حتخليك تتخلى عن الكسل و متقدرش تستغنى عن الرياضة أبدا:

    

تعرف ان في أينشتاين صغير جواك؟

لما بتلعب رياضة، جسمك بيتحرر من الضغط العصبي و التوتر و حالته الذهنية بتتحسن فبتقدر تقوم بنشاطك اليومي بشكل أحسن. ذهنك بيبقى صافي فبتقدر انك تفكر أحسن و تخرج أينشتاين اللي جواك.

 

   مرايتي با مرايتي..مين أحلى واحدة في الدنيا؟

لما بتلعب رياضة باستمرار، جسمك شكله بيبقى مظبوط و ممكن كمان تخس لو مشيت على ريجيم متوازن و سعراته قليلة. شكلك بيتحسن ومزاجك بيتظبط و حالتك النقسية بتتحسن و ثقتك في نفسك بتزيد.

 

الرياضة بتخليك سوبرمان!

لما بتلعب رياضة، قوة تحملك و مرونة جسمك بتزيد. صحة عضمك و عضلاتك بتعلى  بتقدر تمارس أي نشاط بدني بسهولة. الرياضة كمان بتحفزك انك تاكل أكل صحي عشان تقدر توصل للشكل اللي بتحلم بيه.

 

الرياضة بتخليك تشحن!

على عكس اللي تعرفه، الرياضة مش بتقلل من طاقتك، هي بتزودك بالطاقة و بتخليك متحكم أكتر فيها. لو عايز تتنشط شوية عشان تبتدي يومك صح، اجري نص ساعة الصبح عشان نشط الدورة الدموية وتزود جسمك بالطاقة. الرياضة كمان بتخليك تنام بشكل أحسن.

 

نصايح الكوتش:

  • أول 5 دقايق من التمرين لازم يبقوا تسخين. ابدأ بسرعة بطيئة عشان تدي لعضلاتك فرصة انها تستعد للتمرين.
  • و انت بتخلص تمرينك، قلل من سرعته و كثافته تدريجيا عشان متعرضش نفسك للاصابات.

 

عشان تعرف أكتر عن أسباب اللي لازم تسخن بسببها قبل تمرينك، دوس هنا!

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا