بتتعرض ساعات لصداع أو زيادة في ضربات القلب بعد الرياضة؟ السبب الرئيسي هو ان المعادن في جسمك بتبقى مش متوازنة بعد التمرين. جسمك بيحتاج يعوض المواد اللي خسرها و انت بتتمرن عشان كدة احنا جهزنالك 5 عصاير ممكن تشربها بعد التمرين عشان تعوض المعادن اللي جسمك خسرها و بتديلك طاقة و تحسن صحتك العامة:
1. عصير المشمش
المكونات: 3 أو 4 مشمشات.
الطريقة: اغسل المشمش كويس و اضربه في الخلاط مع شوية مياه و زود نقطتين ليمون. ممكن كمان تزود نص كوباية من اللبن عشان فايدة أكبر.
الفايدة الصحية: المشمش مصدر رائع للبوتاسيوم اللي يعتبر من المعادن اللي بنخسرها بسبب العرق. المشمش كمان بيساعد على التحكم في ضغط الدم عشان فيه ألياف مفيدة.
2. عصير المانجو
المكونات: 2 مانجو.
الطريقة: قشر المانجو و اضربها في الخلاط معع المياه أو عصير العنب.
الفايدة الصحية: المانجو فيها فيتامين B6,C,E و بوتاسيوم و بيتا كاروتين اللي بيجتمع بفيتامين C عشان يقوا المناعة.
3. عصير السبانخ و الجزر.
المكونات: 4 جزرات، نص كوباية سبانخ.
الطريقة: اضرب الجزر و السبانخ في الخلاط و ممكن تزود ملح و فلفل و ليمون حسب الرغبة.
الفايدة الصحية: عصير غني بفيتامين A،C و الماجنيزيوم
4. عصير المانجو و الكيوي.
المكونات: 4 كيوي، نص مانجو، 1 ليمون.
الطرقة: قشر الكيوي و المانجو و اضربهم في الخلاط. و ممكن تبدل المانجو ب 3 أو 4 قطع أناناس و زود عصير الليمون.
الفايدة الصحية: العصير ده غني بفيتامين C و البيتا كاروتين و بيقوي المناعة و بيزود حيوية الجسم
1- عصير الأفوكادو و الطماطم.
المكونات: 1 أفوكادو، 4 طماطم، نص ليمون، ملح و فلفل، و فص توم مفروم.
الطريقة: قشر الأفوكادو و الطماطم و اهرسهم لمدة 20 دقيقة لحد مايتكون العصير. زود الليمون و الملح و الفلفل، و فص التوم المفروم.
الفايدة الصحية: عصير مغذي و مصدر للفيتامينات A، B، C و المعادن اللي بتحسن من حالة المعدة و الأمعاء.
اتصل بنا
