Sorry, you need to enable JavaScript to visit this website.
Skip to main content

خدع بسيطة حتساعدك على كسب تحدي المياه

Water

من و احنا صغيرين و كل الناس بتقولنا اننا نشرب 8 كوبايات مياه كل يوم عشان جسمنا محتاجهم بس محدش بيقولنا نعمل كدة ازاي فبنكسل و بننسى الموضوع خالص. عشان كدة حضرنا لك حلول بسيطة حتساعدك على كسب التحدي و أخيرا تشرب ال8 كوبايات و ممكن أكتر كمان:

 

1 - اعمل جدول

أول ما تصحى- 7 الصبح - كوبيات 2

قبل الفطار- 9 الصبح-  كوبيات 1

قبل الغدا- 1 الظهر - كوبيات 2

في نص اليوم- 4 الظهر- كباية 1

قبل العشا و قبل النوم- 8 بليل- كوبيات2

 

اعمل جدول للأسبوع كله و ثبته في مكان بتعدي عليه كتير زي التلاجة عشان تتابع استهلاكك لمدة 30 يوم. لما تكمل 8 كوبايات متنساش تحط علامة (√) في الجدول و متنساش تكافيء نفسك بحاجة بتحبها.

 

2- حب ازازة المياه.

عشان علاقتك بالمياه تفضل مستمرة لازم تحب المياه و دة مش حيحصل لو بتشرب من ازازة مياه مملة. اشتري ازازة تصميمها حلو و جذاب، ممكن يبقى عليها صورة ممثل بتحبه أو فريق كورة بتحبه عشان تشجع نفسك انك تشرب مياه.  

 

3- قريب من العين، قريب من القلب.

خلي ازازة المياه دايما قدامك على المكتب أو في البيت عشان تفضل فاكر على طول انك تشرب.

 

4- فرفش المياه!

زود طعم بتحبه على المياه و فرفشها عشان متحسش انها مملة. ممكن تحط ليمون أو أي نوع فاكهة بتحبه.

 

5- اتحدى صحابك.

دخل صحابك في الشغل أو صحابك المقربيين في التحدي عشان روح المنافسة بينكوا حتخليك متحمس انك تكسب فبالتلي حتشرب المياه اللي محتاجها انت و صحابك.

 

6-  شغل المنبه!

في تطبيقات كتير على الموبايل ممكن تفكرك كل شوية بشرب المياه في مواعيد انت تحددها و كمان تفكرك لو في اخر اليوم مشربتش الكمية المطلوبة.

 

نصيحة من خبير

·         اشرب مياه أول ما تصحى عشان تنشط الدورة الدموية.

·         اشرب مياه قبل الأكل نص ساعة عشان تهضم أحسن.

·         اشرب مياه كتير اثناء اليوم عشان دة بيساعد على خفض ضغط الدم.

 

في أسباب كتيرة ممكن نقولها لك عشان تشرب مياه زي مثلا انها بتساعدك على التغلب على ضعف جسمك و بتقلل من احتمالات اصابتك بالأمراض. اعرف فوائد المياة من هنا.

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا