Sorry, you need to enable JavaScript to visit this website.
Skip to main content

7 حلول سهلة للأكل عشان الساحل يستاهل

Picnic at the beach

All

مين فينا مبيحلمش طول السنة بالمصيف اللي بننسى فيه هممومنا و نشحن طاقتنا عشان نكمل بيها باقي السنة؟ البحر و لمة الصحاب و العيلة و الفسح من أحلى الحاجات في المصيف بس المشكلة دايما اننا لما بنبقى في أجازة بننسى نهتم بأكلنا و بناكل أكل سريع و مش صحي. ازاي تاكل كويس و بردو تصيف كويس؟

 

  1. استعد!

لما تحدد مدة االمصيف، استعد كويس و حضر كل الأكل اللي حتحتاجه طول الرحلة قبل السفر،و  متنساش المياه.  اشتري الخضار، الفاكهة، اللبن، الزبادي، و الجبنة من المكان اللي حتصيف فيه عشان ممكن يبوظوا في السكة.

 

  1. متستسلمش!

مش معنى انك عايز تستمتع في المصيف انك تستسلم لطرق الطبخ الغير صحية. متستسلمش للأكل المقلي و التقيل اللي مليان دهون. اطبخ الأكل بطريقة مختلفة و صحية عشان تحافظ على صحتك. ممكن مثلا تزود بهارات على البطاطس و تشويها في الفرن بدل القلي. جرب الوصفة دي للبطاطس المحمرة بطريقة صحية.

 

  1. كل واحد فينا جواه طباخ صغير!

لو ولادك بيحبوا البرجر و البيتزا و الشاورما متقلقيش. ممكن بكل سهولة تعملي الأكل دة في البيت و تاخديه معاكي للمصيف جاهز عشان تبقي متأكدة من المكونات و تبسطي أولادك في نفس الوقت.

 

  1. صاحب السمك.

أحلى حاجة في المصيف البحر مش بس عشان تعوم فيه بس كمان عشان ممكن يوفر عليك التفكير في الأكل. سيب يومين على الأقل في الساحل للسمك و منتجاته عشان هو مغذي و صحي و طعمه حلو.

 

  1. افتكر الأساسيات.

متنساش الأساسيات اللي بتستخدمها على البحر زي نسكافيه، نسكويك، نيدو، كوفي ميت. و كمان الشاي و البهارات، التونة، الفول، العسل عشان الفطار.

 

  1. جمد أكلك.

متنساش تجمد الأكل كويس قبل السفر بيوم على الأقل و بالذات اللحوم. متنساش الأيس بوكس للأكل اللي ممكن يخسر في السكة و واحد صغير عشان المشروبات على البحر.

 

  1. خليك فريش.

حاول تعمل عصاير في البيت قبل السفر عشان متحتاجش تشرب حاجات مصنعة مليانة سكريات و مضرة لصحتك. العصير الفريش صحي ليك و لولادك و حيديك طاقة على البحر.

 

مبروك! انت كدة خلصت من هم الأكل في المصيف و كل صيف و انت طيب!

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا