Sorry, you need to enable JavaScript to visit this website.
Skip to main content

8 سلوكيات لصحة 100% صح

Healthy Food

 

عشان احنا شعب دايما مستعجل و في نفس الوقت الأكل جزء مهم جدا في حياتنا، اتعودنا اننا نتصرف و ناكل و خلاص. اجري بسرعة و اخطفلك وجبة في السريع على السكة، خلص أكلك في 10 دقايق، 3 وجبات ايه يا عم اجمع أكل اليوم كله في وجبة واحدة مش المهم ناكل و خلاص؟ لا، مش المهم انك تاكل و خلاص، المهم انك تاكل صح عشان صحتك تفضل 100% صح. دول 8 سلوكيات لازم تمشي عليها عشان صحتك متبقاش أي حاجة "و خلاص":

  1.   متستعجلش

معدتك بتحتاج 10 دقائق عشان تبعت لمخك اشارة انك شبعت. الأكل بسرعة من غير مضغ بيسبب عسر في الهضم، تخزين الدهون، و زيادة الوزن. كل براحة، و انت قاعد، و امضغ الأكل كويس.

 

  1. صحي بطنك من النوم.

و انت نايم، معدل الحرق في جسمك بيقل فلما تمنعه من الفطار بيفضل جسمك واخد حالة الراحة بتاعت النوم و تلاقي نفسك بتتعب من أقل مجهود. لو معندكش وقت تحضر فطار الصبح، حضره من بالليل أو اخطفلك سناك سريع و صحي في السكة للشغل.

 

  1. كل أكتر مش أقل.

جسمك مش بس بيحتاج 3 وجبات في اليوم، دة كمان بيحتاج لوجبات خفيفة خلال اليوم عشان ينتج طاقة. انك تاكل وجبة واحدة في اليوم مش حيخليك تخس، دة حيخلي جسمك يحس بالخطلر و يخزن دهون و تتخن أكتر.

 

  1. عشا خفيف، لنوم مريح.

لو أكلت وجبة تقيلة قبل النوم على طول، جسمك حيفضل يشتغل و انت نايم عشان يهضم الأكل و حيسببلك أرق أو على أقل تقدير حتحس بكسل و خمول لما تصحى. دة طبعا جنب الدهون اللي جسمك حيخزنها. امنع الأكل تماما قبل النوم ب2-3 ساعات.

 

  1. صاحب الخضار.

الخضار و بالذات الخضار اللي أوراقه لونها أخضر مهم لجسمك عشان بيخلصه من السموم و ليه فوائد كثيرة زي انه غني بالمواد مضادة الأكسدة و المعادن المهمة زي الحديد و الزنك. و عشان الحلو يكمل: الخضار سعراته الحرارية قليلة جدا و حيساعدك لو بتحاول تخس.

 

6. متخلطش الحلو بالحادق.

خلصنا الغدا؟ يبقى يلا بينا نحلي. عادة أي عيلة مصرية أصيلة. بس انت عارف انك لما بتحلى بفاكهة بعد الأكل  معدتك مش بتلحق تهضم و دة بيخلي الجسم ينتج السموم و يخزن الدهون؟

نصيحة من خبير: أحسن وقت عشان تاكل فاكهة هو قبل الأكل بساعة أو بعده بساعتين.

 

  1. مش لازم الأكل يستوي

طبخ الأكل لمدة طويلة لحد ميستوي على الاخر بيضيع منه الفيتامينات و المعادن المهمة و دة بيخلينا نهضم بسرعة بس نجوع بسرعة بردو. اغلي الأكل نص غلوة و متسويهوش على الاخر بالذات في الخضار و المكرونة.

 

  1. اشرب بعدين.

شرب المياه أثناء الأكل من أخطر العادات اللي بتخفف عصارة المعدة و تسبب اضطراب في الهضم. اشرب قبل الأكل أو بعدة بفترة عشان معدتك تعرف تهضم كويس.

نصيحة من خبير: احرص على شرب مياه كتير و قلل من شرب اللعصاير الجاهزة عشان فيها سكريات بتزود احساسك بالجوع على عكس المياه اللي بتقلل الاحساس دة و ليها فوائد كتير. اعرف ازاي تشرب ال8 كوبايات اللي جسمك محتاجهم كل يوم من هنا.

 

 

 

محتويات هذا الحقل سرية ولن تظهر للآخرين.
  • اتصل بنا