Sorry, you need to enable JavaScript to visit this website.
Skip to main content

6 نصايح عشان بطن تكمل بيها فورمة الساحل

Flat Belly

بتعمل كل حاجة صح و بتخس و الرقم على الميزان مظبوط بس بتبص على نفسك في المرايا بتلاقي أكتر دهون عنيدة في جسمك مش راضية تفارقك؟ انت مش لوحدك! دهون البطن من أكتر الحاجات اللي ممكن تجيب لنا احباط و احنا بنحاول نخس و بتوصلنا لمرحلة اننا نستسلم و نرضى بالأمر الواقع...بس لو دهون بطنك عنيدة، فانت ممكن تبقى أعند منها و تخدعها بانك تطبق النصايح دي:

 

1.  اشرب...شربت؟ اشرب تاني!

عشان تتغلب على دهون البطن لازم تشرب 8 كوبايات مياه في اليوم و تبعد تماما عن المشروبات الغازية.

نصيحة من خبير: اعرف ازاي تشرب احتياج جسمك من المياه من هنا!

 

2.   خبي علبة الملح!

قلل استخدامك للملح لمعلقة واحدة في اليوم عشان جسمك مش بيحتاج اكتر من كدة. زيادة استخدام الملح بتخلي الجسم بخزم مياه بالذات في منطقة البطن.

 

3.   الزبادي مش لرمضان بس!

الزبادي في رمضان بيساعدنا اننا منعطش بس مش معنى كدة اننا نستخدمه في رمضان بس، الزبادي فيه بكتيريا و انزيمات بتسهل الهضم و بتقلل تقلبات الأمعاء و انتفاخ البطن و بيزود قدرة الجسم على حرق الدهون. 

نصيحة من خبير: تعرف ان زبادي نستلة خالي الدسم تماما و بس 44 سعر حراري؟

 

4.  متستعجلش

جسمك بيحتاج 20 دقيقة عشان يحس بالشبع. الأكل بالراحة حيبعد عنك رغبة الأكل الكتير و بالتالي بطنك مش حتبقى منتفخة.

 

5.   اتحرك أكتر.

لو دهون بطنك مش راضية تبطل عند، احتمال تكون عضلات بطنك ضعيفة. التزم بالرياضة و زود المشي في نشاطاتك اليومية عشان تتخلص من دهون بطنك للأبد و تبني العضلات اللي بعد كدة حتمنع الدهون من انها تتكون بسهولة. (اعرف تمارين تقوي بيها عضلات بطنك من هنا)

 

6.  متنساش وقت القيلولة

لو نومك مش مظبوط، جسمك كله مش حيبقى مظبوط. قلة النوم بتأثر على افراز الهرمونات في الجسم و منهم هرمون الكورتيزول اللي بيخلي الدهون تتخزن في الجسم و بالذات في البطن. احرص على انك تنام من 7-9 ساعات في اليوم عشان جسمك يتخلص من الدهون!

 

لو دهون بطنك عنيدة، وريها انك أعند منها و متستسلمش لأي حاجة تقلل من عزيمتك! ابدأ بخطوات قليلة بس ثابتة زي المشي و بعدين زود خطواتك و اقضي على دهون البطن تماما!

 

 

 

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا