Sorry, you need to enable JavaScript to visit this website.
Skip to main content

اللي منعرفوش أحسن من اللي نعرفه: 7 عادات لازم نبطلها

Unhealthy Food

زهقان؟ يلا بينا ناكل. زعلان؟ يلا بينا ناكل. محتاج طاقة؟ يلا بينا ناكل بردو. اتعودنا دايما اننا نعتمد على الأكل لما نكون زهقانين أو زعلانين. بعد كدة بيجي الندم و نعد نأنب نفسنا فنقرر قرار غلط اننا نمنع الأكل تماما عشان نصلح اللي عملناه و تفضل الدايرة ماشية كدة لحد ما لا اراديا نتعود على عادات غذائية غلط خطيرة جدا على صحتنا، من العادات دي:

 

  1. النقنقة

المشكلة دايما ان النقنقة بتبقى على أكلات فيها ألياف قليلة، سكر أو ملح كتير، و زيوت مهدرجة فبالتاللي بنستهلك منها كتير من غير مانحس و دة بيؤدي لزيادة الوزن و الاصابة بمرض السمنة. خدها كا قاعدة عامة، خلى 80% من أكلك صحي و دلع نفسك نسبة 20% من أكل بتحبه بس عارف انه مش صحي.

 أحسن حل: خلي اودامك خضار دايما أو سناك صحي عشان لما تحب تنقنق، تنقنق على أكل صحي.

 

2.  منع الأكل

بعد النقنقة دايما بنحس بعذاب الضمير فبنحاول نصلح الغلط و نقلل من الأكل اليوم اللي بعده أو نمنعه خالص. جسمك بيبقى ممنوع عن الأكل بسبب النوم من 8-10 ساعات و انت كمان بتمنع الأكل عنه مدة أطول بانك تمنع وجبة الفطار عشان تحاول تقلل خساير النقنقة، بس بالعكس دة بيكتر الخساير مش بيقللها عشان جسمك بيحس بالخطر و بيخزن دهون أكتر.

 أحسن حل: كل وجبات صحية 5-6 مرات في اليوم و اوعى انسى وجبة الفطار.

 

  1. أكلك معمول ازاي؟

كتير بنضطر اننا ناكل برة و مع الأسف مش بناخد بالنا أكلنا متكون من ايه. اكيد لما بتطلب مكرونة بيضا بتبقى عارف انها معمولة من مكرونة و صوص أبيض بس عارف فيها قد ايه من احتياجك للبروتين و الكاربوهيدرات؟ انك تاكل أكل من غير ماتعرف قيمته الغذائية عادة بيوصلك انك تاكل أكل جسمك مش محتاجه و جسمك يخزن دهون أكتر.

 

أحسن حل: اسأل على مكونات كل وجبة قبل ماتطلبها و احسب فيها قد ايه من احتياجك اليومي.

 

  4.    زيادة السكريات، الكربوهيدرات، و الدقيق الأبيض.

السكريات بترفع من نسبة السكر في الدم و بتخلي جسمك يفرز انسولين أكتر و يغير في معدل حرقك و تخزينك للدهون. أما الكربوهيدرات البسيطة و الدقيق الأبيض فهما مليانين بالسعرات الحرارية و قيمتهم الغذائية قليلة جدا مقارنة بسعراتهم فجسمك حيخزن دهون و حيواجه مشاكل في حرقهم.

 

أحسن حل: قلل السكريات البسيطة و خلي سناكك بليل غني بالألياف عشان نسبة السكر في الدم تفضل معتدلة و جسمك مرتاح.

 

  1. قلة الحركة.

أجسامنا مصممة على الحركة، فكل ماتحس انك كسلان و مش قادر تتحرك، كل ماحتحس براحة أكتر بعد ممارسة الرياضة عشان الرياضة بتزود نشاطك و بتنشط الدورة الدموية و يتزود معدل الحرق في الجسم.

 

  1. اهمال المياه.

المياه مهمة عشان خلايا المخ و لكل اعضاء الجسم عشان هي مش بس بتروي عطشك، هي بتقلل الجوع، بتحرق الدهون، و بتطرد السموم من الجسم.

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا