Sorry, you need to enable JavaScript to visit this website.
Skip to main content
Eating

مع شعب بيحب الأكل زي مصر، لازم تلاقي مطعم جديد فاتح كل يوم في مكان جديد. و انت في طريقك اليومي فجأة بتشم ريحة أكل خرافية توديك في عالم تاني و تبدأ الحيرة...أروح أجرب الأكل و أتخن ولا مجربش و أفضل أفكر في المطعم طول اليوم؟ ايه رائيك طيب تجرب و متتخنش؟ 7 نصايح عشان تاكل برة و تفضل محافظ على وزنك؟

 

1.  اخدع بطنك.

قبل ما تنزل تاكل برة، كل تصبيرة خفيفة و صحية عشان لما تاكل في المطعم تاكل كميات أقل.

 

2. اختار صح!

اختار الأكل المشوي و المطبوخ على البخار أو المخبوز في الفرن أحسن من الأكل المقلي أو المعجنات.

 

3. لازم تتخلى عن حاجة!

مينفعش تاكل لحوم مليانه دهون و في نفس الوقت تحط عليها صوصات و جبن كاملة الدسم. كل مرة جرب واحدة من الاتنين و اتخلى عن التانية.

 

4.  كُل مرة و اشرب مرة.

مش لازم تجرب كل الأصناف الموجودة في المنيو في يوم واحد. جرب أكل النهاردة و اشرب معاه مشروب مكون من اللبن الخالي الدسم عشان يوازن العناصر اللي في أكلك و بعد اسبوع جرب مشروب جديد و كُل معاه خضار.

 

5.  الأكل الجانبي: حل المعادلة الصعبة!

لو لازم تجرب البورجر اللي شكله مليان دهون، اطلب جنبه سلطة بدل البطاطس المحمرة عشان توازن بين الأكل الصحي اللي جسمك محتاجة و بين الأكل الغير صحي اللي نفسك تجربه.

 

6. الاضافات بتفرق!

لو نفسك في بيتزا، اطلب بيتزا بالجمبري أو بالفراخ و الخضار بدل الجبنة و اللحوم الكتير. خلي بالك كمان من الدهون اللي بتتحط على الصوصات و حاول تطلب صوصات فيها فايدة زي الزبادي مثلا. اطلب اضافات زي الصلصة، صوص الطماطم، صوص خفيف، او مستردة بدل الزبدة و الكريمة و المايونيز.

 

7.  خليك في الحجم الصغير.

الأكل الكومبو أضراره كمان كومبو. خليك دايما في الحجم الصغير عشان تبقى جربت اللي نفسك فيه من غير افراط في الأكل و لا أضرار كتير.

 

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا