Sorry, you need to enable JavaScript to visit this website.
Skip to main content

حلوة الدنيا من غير سكر

fruit

كلنا بتحب الحلويات بطبيعتنا ، حاجة عادية وبتحصل في أحسن العائلات! بس تعرفوا إن استهلك السكر الزيادة مرتبط بمشاكل صحية كبيرة؟ لو عاوز تقلل استهلاكك للسكر ، هنقولك على شوية طرق بسيطة تساعدك

 

محتاج تعمل ايه؟

 

1- بدّل الكيك بالفاكهة  (سيب الكيكة وخد الفاكهة):

لما تلاقي نفسك في الشيكولاتة، اضحك على جسمك بالموز. الموز بيرفع نسبة السيروتونين في الجسم ودا هرمون بيدي جسمك إحساس الارتياح من غير ما تستهلك سعرات حرارية كتير. وبردوا ممكن تختار أي نوع تاني من الفواكه الطازة أو المجففة واللي هتخليك تحصل على احتياجاتك من السكر من مصادر تغذية طبيعية

 

2- كلّ شريحة لحمة:

بعض الأبحاث بتقول أن رغبتنا في أكل الحلويات هي الطريقة اللي أجسامنا بتقولنا بيها إننا محتاجين بروتينات. علشان كدة ضروري تحصل على 2 – 3 وحدات من البروتين يومياً، كل وحدة يكون حجمها قد كف الإيد. 

 

3- اختار صحتك، اختار زبادي نستلة:

بمجرد ما تحس إن نفسك جايباك للحلويات، حول تفكيرك من الحلويات بسعراتها الحرارية العالية لكوب من زبادي نستلة وضيف له فاكهتك المفضلة. وبكدة هتحصل على كمية فعالة من السكر الطبيعي المستخلص من الفواكه الطبيعية وفي نفس الوقت هتحافظ على كمية السعرات الحرارية اللي بتدخل جسمك. ولأن الزبادي غني بالبروتين، فدا هيقلل من سرعة دخول السكر لمجرى الدم

.

4- متحرمش نفسك:

بلاش الحرمان الكامل من الحلويات وقطعها تماماً من نظامك الغذائي. الصح إنك تختار الحلويات الصحية قليلة السكر. ممكن حتى تغرق الفواكه المفضلة عندك في كميات صغيرة من الشوكولاته الغامقة السايحة من وقت للتاني. وافتكر! الموضوع كله عبارة عن لعبة توازن علشان تحرق سعرات حرارية بشكل كويس.

 

5- حاول تبقى سعيد:

كل ما هيزيد شعورك بالقلق والإجهاد والوحدة، كل ما هتزيد رغبتك في الحلويات.علشان كدة لازم تتجنب الحالات والمشاعر دي عن طريق الاسترخاء أو التمارين أو الخروج مع الأصدقاء. من الآخر، دوّر على اللي يسعدك وإعمله

 

6- متزودهاش:

كل ما تنزل تشتري طلبات البيت ، تجنب إنك تجيب كميات كبيرة من الحلويات. لأن وجود الحلويات في متناول الأيد هيخلي من السهل إنك تستهلكها أكتر كل أما تحس إنك نفسك في السكريات. والأحسن من دا إنك تتجنب وجود أي أكل مغري في البيت وتخلي الأكل المغري دا للخروجات

 

إزاي تحقق دا؟

لو عاوز تبطل تستهلك سكر ، فأحسن طريقة هى إنك تدي جسمك أجازة تامة منه لمدة 3 أيام متتالية. الأجازة دي هتساعدك تعيد النظام والتوازن لجسمك وتتخلص من آثار السكر بأسرع وقت ممكن. علشان كدة إحنا عاملين لك تحدي! إمشي على نظامنا الغذائي الخاص بالتخلص من السكر . أضغط هنا

محتويات هذا الحقل سرية ولن تظهر للآخرين.
  • اتصل بنا