Sorry, you need to enable JavaScript to visit this website.
Skip to main content
Healthy Food

حاسس بالكسل؟ ومين سمعك! كلنا مرينا بالشعور ده قبل كده. بس الحل بسيط , خلى أنواع الأكل الصحى الغنية بالطاقة  جزء في نظامك الغذائي لأن ده هيكون له أثر غريب علي حالتك العقلية والجسدية. مش بس كده, ده لأزم تعرف تبعد عن ايه كمان ..  تعرف مثلا  أن الأطعمه الغنية بالدهون والسعرات الحرارية ممكن تخليك تحس بالتعب والإرهاق، ودا لانها بتحتاج هضم أعلي وبالتالي الجسم بيكون في حأله تأهب طول اليوم. إختار أكلك بذكاء وخد بالك بتدخل ايه لجسمك.

طيب محتاج تعمل ايه:

1- متخافش من الكربوهيدرات. الكربوهيدرات هي المصدر الرئيسي للطاقة لجسمنا، الكربوهيدرات المعتدلة ضرورية لتأمين وضمان عدم حدوث أي حرمان من أي نوع من الطاقة و كمان علشان ينتهي أي إحساس بالتعب طول اليوم .لو كنت بتتابع وزنك فاحسن حاجه إنك تستهلك وجبات غنية بالكربوهيدرات وقت الصبح مش باليل

 

2- لما بتاكل أكل حلو/مسكّر نسبة السكر في جسمك بترتفع و بالتالي بتاخد دفعة أولي من الطاقة. بس لسوء الحظ بعدها بيحصل انخفاض سريع في نسبة السكر في الدم واللي بدوره هيخليك تحس بتعب أو فقد طاقة مفاجئ. علشان كدة يستحسن تتجنب الأكلات اللي فيها سكر كتير جدًا حتي لو نفسك في حاجة حلوة، إفتكر إنك لازم تسيطر على كمية السكريات اللي بتدخل جسمك

 

3- الفيتامينات والمعادن الموجودة في الأكل هي المسئولة عن تحويل باقي الأكل لجزيئات طاقة. مثلاً فيتامينات B هي المسؤولة إلى حد كبير عن تحويل الأكل لطاقة. والبيض وحبوب الفطار والخضروات الخضراء كلها مصادر غنية بالفيتامينات وبالتالي لازم تبقى جزء من نظامك الغذائي

 

4- استهلاك الكافيين في الوقت الصح من اليوم بيساعدك تدي جسمك دفعة طاقة في بداية اليوم وتدعم مستويات الطاقة. وطبعاً إحنا عارفين إحساس كوباية النسكافيه الصبح وإنها بتبقى بالنسبة لنا زي تسخين العربية قبل ما تطلع، حاجة ضرورية محتاجها علشان تبتدي يومك صح.

 

5- كلّ وجبة كل 3 أو 4 ساعات. اللي بيحصل وقتها إنك بتمد جسمك بمصادر طاقه بصفة منتظمة وده هيساعدك جدًا إنك تحس أن تركيزك أعلى. من أكتر الوجبات الخفيفة المحفزة للطاقة هي المكسرات، الزبادي، التفاح وسموزي الفاكهة.

 

و بالنسبه لطريقة تنفيذ النظام ده والالتزام بيه, اضغط هنا علشان تشوف النظام اللى عملنه لك و خليك كلك طاقة

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا