Sorry, you need to enable JavaScript to visit this website.
Skip to main content

6 حيل عشان ما تضعفش قدام الحلويات تاني

Sugar

مهما كنت قوي، دايما عندك نقطة ضعف في الاكل مش بتقدر تمسك نفسك قدامها بالذات لو انت من محبي الحلويات. ممكن تبيع اللي وراك و اللي قدامك عشان كيكة شوكولاتة و لا رز باللبن، مين يقدر يقاوم الحلويات دي؟ انت! لو جربت ال6 حيل دي حتقدر تقاوم عشقك للحلويات:

 

1.   بدل الكيك بفاكهة

لو حسيت انك في خطر و ممكن تعمل جريمة عشان حتة شوكولاتة، جرب تاكل موز. الموز بيعلي السيروتونين، الهرمون اللي بيديك احساس باشباع حاجتك من الحلويات من غير ما تدمر الميزان. ممكن كمان تختار أي نوع من الفاكهة حتى الفواكه المجففة اللي حيخلوك تاخد احتياجك من السكر من مصادر طبيعية.

 

2.    نفسك في ستيك؟

بحث حديث أثبت ان الاحتياج المفاجيء و اللحوح للحلويات سببه الأساسي احتياج جسمك للبروتين. احرص انك تاكل من 2-3 حصص من البروتين، كل حصة في حجم الكف. (اعرف أكتر عن الحصص اليومية من كل انواع الأكل من هنا)

 

3.   اختار صحتك، اختار زبادي نستلة.

لما تحس ان نفسك في حاجة حلوة، بدل الحلويات اللي فيها سعرات حرارية عالية بزبادي فواكه نستلة. زبادي نستلة حيديلك نسبة السكر اللي انت عاوزها بس من مصدر طبيعي اللي الفاكهة.  كمان عشان الزبادي غني بالبروتين، حيخلي عملية اطلاق السكر في مجرى الدم بطيئة.

 

4.    متحرمش نفسك.

انك تمنع نفسك تماما من الحلويات، دي حاجة هتضرك مش هتفيدك. حاول بس تخلى اختياراتك أقل ضرر و تبقى صحية و سكرها قليل. ممكن مثلا تعمل صوص شوكولاتة من الشوكولاتة الداكنة و اللبن و تغمس موز و فراولة فيه. افتكر ان السر دايما في التوازن بين نسبة الأكل الصحي و الأكل اللي نفسك فيه.

 

5.  افرح.

كل ما التوتر و الضغط العصبي و الاحساس بالوحدة زادوا، كل ما احساسك انك محتاج حاجة حلوة بيزيد. حاول تبعد نفسك عن أي ضغط و ساعد نفسك انك تتخلص من التوتر بممارسة الرياضة على الأقل 5 مرات في الأسبوع. شوف سعادتك فين، و روحلها جري. ( اعرف عن أكلات السعادة الصحية من هنا)

 

6.    متلعبش على كبير.

لما تشتري طلبات البيت، ابعد عن شرا الأحجام اكبيرة من الحلويات عشان وجودهم حواليك دايما بيخلي مقاومتهم أصعب بالنسبة لك. الحل الأحسن كمان انك تمنع السكريات في البيت و تاكلهم كل فين و فين برة البيت.

 

منقدرش نوعدك ان الحيل دي حتنفع كل مرة، عشان كل فترة لازم تعمل اللي في نفسك و تاكل اللي بتحبه. استمتع بالحلويات اللي بتحبها كل فترة عشان تتبسط بس حاول تاكلهم الصبح عشان جسمك يحرقهم بسرعة و مايتخزنوش كدهون.

 

 

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا