Sorry, you need to enable JavaScript to visit this website.
Skip to main content

لما الشتا يدق الباب، إحمي نفسك

Immunity Boosting Food

موسم البرد والانفلونزا دخل. يعني لازم نتأكد ونحصّن مناعتنا بالتغذية الكويسة علشان منقضيش الشتا وإحنا حاضنين علبة المناديل وقاعدين في السرير.

مجموعة الفيتامينات و المعادن اللى الجسم محتاجها و فين نلاقيها:

  1.   هي أكيد مش معلومة جديدة عليك، بس التكرار حلو لو في صحتنا. فأول نصيحة حبينا نأكد عليها ونبروزها هي إن فيتامينC  من أهم العناصر الغذائية التي بتدعم جهازنا المناعي وتساعدنا على الوقاية من نزلات البرد والانفلونزا العديدة. من أغنى وأهم مصادر فيتامين C هي الحمضيات والبروكلي والفلفل
  2.   فيتامين E  كمان مفتاح مهم لصحة الجهاز المناعي. وهو فيتامين بيدوب في الدهون. يعني لازم يكون في دهون علشان يتم امتصاصه صح. فلو عاوز فيتامينE  فعليك بالمكسرات زي اللوز الغني بالفيتامين والدهون الصحية
  3.  غير الأكل والغذا ... تعرف إن القعدة في الشمس ممكن تقوي جهاز مناعتك؟ القعدة في الشمس هتوفرلك أفضل مستويات فيتامين (د) المطلوب لزيادة عدد الخلايا المقاتلة المناعية في جسمك.
  4.  الزنك مش واخد حقه مننا في الاهتمام زي باقي الفيتامينات والمعادن التانية. لكن علمياً أجسامنا بتحتاجه علشان الخلايا المناعية تقوم بدورها صح. ومن مصادر الزنك المهمة المأكولات البحرية ومنتجات الألبان. يعني لازم تتأكد من توافرهم بانتظام في نظامك الغذائي.
  5.  البروبيوتيك أو البكتريا الجيدة الموجودة في الزبادي بتحافظ على الأمعاء والقناة المعوية نظيفة بدون الجراثيم المسببة للأمراض
  6.  الثوم كمان غني بعنصر الأليسين النشط، وهو العنصر اللي بيدعم المناعة من خلال زيادة عدد خلايا الدم البيضاء. رشوا الثوم المفروم الطازة على الأكل وينفع يتضاف للشوربة أو حتى تستخدموه في خلطات تتبيل البروتينات (زي اللحوم والفراخ والسمك).

 

 

علشان تخلى العناصر اللى قلناها جزء من نظامك الغذائي الصحي لمناعة أقوى أضغط هنا و شوف مجموعة الأنظمة الغذائية المختلفة اللى عملناها علشان تدعم امتصاصك للمركبات المناعية الصحية وتحمي جسمك ضد العدوى وتقضي موسم شتاء سعيد خالي من الانفلونزا والأمراض.

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا