Sorry, you need to enable JavaScript to visit this website.
Skip to main content

اختيار الجيم...مسألة حياة أو موت

Take the stress out of going to the gym

مع بداية كل سنة، بنبتدي نحط توقعات و امنيات للسنة و دايما أول حاجة بنفكر فيها ازاي نحسن شكل جسمنا. "انا عايزة أخس 20 كيلو" أو "انا عايز أبني عضلات" كلها أماني بتودينا في الاخر للجيم و هنا بتبدا المشكلة. "أصل الجيم بعيداو "أصل انا مبحبش الزحمة" من الاعذار اللي بنقولها لما بنفشل في تحقيق الامنية اللي اتمنناها اول السنة. عشان كدة اختيار الجيم بيكون مسألة حياة أو موت. لو اخترت الجيم الصح حتقدر تحقق الأمنية و لو اخترت الجيم الغلط تبقى حكمت على امنيتك بالموت.

عشان تختار الجيم الصح لازم تفكر في حاجتين:

الاولى: مكان الجيم

لو انت بتستهلك طاقة كبيرة عشان بس توصل للجيم، لما توصل طاقتك حتكون بتخلص و التمرين يبقى ضعيف جدا و دة بيخلي ناس كتير تزهق من الجيم بسرعة و تبطل تروح. عشان كدة لازم تحول مشوار الجيم من مشوار بيزهقك و بتعمله بالعافية لمشوار في سكتك قريب من بيتك أو شغلك بتروحله بسهولة.

التانية: الناس

الناس اللي بتتمرن معاهم مهمين زيهم زي المكان اللي بتتمرن فيه، ممكن يشجعوك أو يكرهوك انك تروح الجيم أصلا. هل انت بتفضل جيم مختلط و لا واحد مخصص للولاد او للبنات؟ عايز جيم كبير في ناس كتير و لا عايز جيم صغير في ناس تعرفهم و صحابك بيروحوه؟

كل اختيار من دول ليه الايجابيات و ليه السلبيات بس أهم حاجة انك تختار مكان بترتاح فيه و بيلبي كل احتياجاتك عشان متزهقش بسرعة.

الاستبيان اللي جاي دة حيساعدك تعرف نوع الجيم المناسب ليك و يسهلك قرارك في اختيار الجيم:

سوأل 1: أهم حاجة عندي في الجيم:

أ‌.         عدد[ و تنوع الاجهزة و التمارين...كل ما تزيد يبقى أحسن

ب‌.    وجود مدرب شخصي عشان انا مليش في الجيم اوي و محتاج مساعدة

ج‌.     حيكون في ولاد او بنات كتير؟ انا مبحبش ابقى لوحدي مع الجنس الاخر

د‌.       مهميين جدا بالنسبالي. SPA السونة و  

ه‌.     المسافه...الجيم بعيد أد ايه عني 

سؤال 2: أنا بحب الجيم اللي بيتوفر فيه:

 ا.    ساعات مرنة عشان أنا جدولي دايما مشغول.

ب‌.    المدربين. التمرين بيكون أسهل لما حد يقول لي أعمل ايه و يوريني ازاي أعمله.

ج‌.     عدد قليل من الجنس الاخر و يفضل ميكونوش موجودين اصلا.

د‌.       تمرينات جديدة و مزيكا حلوة...أنا بحب أجرب كل حاجة بداية من الايروبكس لليوجا.

ه‌.     جو أسري و ناس معروفة بشوفهم كل يوم و برتاحلهم.

 

سؤال 3: لما أختار الجيم، أقل حاجة مهمة بالنسبة لي:

أ‌.         عدد الناس. أنا بحب أبقى في الزحمة و الناس الكتير بيشجعوني على التمرين.

ب‌.    جيم كبير و واسع. كل ما الجيم كان صغير و مألوف بالنسبة لي يبقى أحسن.

ج. ناس كتير أختار منهم حد أصاحبه. أنا رايح أتمرن مش أصاحب و لا أغازل حد.

     د. السعر. أنا باخد خدمات على قد اللي بدفعه.

ه. تنوع الاجهزة و نوع التمرين. مش بتفرق معايا الحاجات دي.

سؤال 4: الحاجة اللي لازم تبقى موجودة في الجيم و لو مش موجودة مش حتروح:

أ‌.         مكان مليان طاقة و ليه فروع كتير.

ب‌.    مدربين متخصصين...مش حعرف أتمرن غير لو المدرب موجود.

ج. مكان عملي مش بتاع مظاهر...أنا رايح أتمرن مش رايح عرض أزياء.

د. مدربين و خدمات كويسة...عايز أحس أنهم بيعملولي كل طلباتي.

ه. ان المكان ميبقاش بعيد و ميبقاش فيه أى حاجة غير مناسبة تخليني معرفش أتمرن.

سؤال 5: في حياتك العامة بتحس براحة أكتر:

أ‌.         لما يكون في اختيارات كتير أختار منها...مبحبش ابقى متقيد و لا أحس بالملل.

ب‌.    لما يكون في شخص بيوجهني...بحب أعتمد على شخص في اتخاذ القرارات.

ج‌.     لو انتي بنت، بترتاحي أكتر وسط صحابك البنات. لو انت ولد بترتاح أكتر لما تكون وسط صحابك الولاد من غير بنات خالص.

د. لما حد يهتم بيا أو يدلعني عشان أنا أستاهل.

ه. في البيت، أو المكتب أو أي مكان متعود عليه و بروحه كتير.

 

النتيجة:

لو اختياراتك معظمها أ: انت عايز جيم كبير ليه سلسلة كبيرة من الفروع.

انت شخص مشغول و جدولك دايما مليان, محتاج مكان مناسب ليه فروع كتير. بتحب التنوع و عايز مكان تعمل فيه كل حاجة بداية من جلسات التمرين للأجهزة و في الاخر ميمنعش تعدي على السونة. الناس الكتير و حريفة الجيم مش بيضايقوك بالعكس بيشجعوك تتمرن أحسن.

 

لو اختياراتك معظمها ب: انت عايز مكان فيه مدربيين شخصيين

انت معندكش خبرة كبيرة في الجيم و محتاج مدرب شاطر يقول لك تعمل ايه و يشجعك. مش بيفرق معاك اسم الجيم و بترتاح أكتر في جيم صغير بتاخد فيه الاهتمام اللى محتاجه. أهم حاجة تتأكد ان المدرب بتاعك شاطر و فاهم مش أي واحد عمل شوية عضلات و بيقول على نفسه مدرب.

 

لو اختياراتك معظمها ج: انت محتاج جيم للرجال فقط أو للسيدات فقط.

انت بترتاح اكتر بين ناس من نفس الجنس و متحبش حد من الجنس الاخر يشوفك متبهدل في التمرين.

 

لو اختياراتك معظمها د: انت محتاج جيم كبير و متميز

انت بتحب تجرب الحاجات الجديدة و المنتشرة. تمارين الايروبكس بتاعة زمان بتزهقك. انت عايز تجرب تمارين جديدة زي الكروس فيت و الزومبا. السونة و ال SPA  مهميين بالنسبة لك. لية اروح مكان متدلعش و تتبسط فيه؟

 

لو اختياراتك معظمها هانت محتاج جيم قريب.

أهم حاجة بالنسبة لك مكان الجيم، و لو مفيش جيم قريب حتحتاج تعمل الجيم بتاعك في البيت عشان تضمن انك تستمر على التمرين بس مش حتسوق كيلو زيادة بعد يوم طويل في الشغل.

 

لما تختار الجيم، خد وقتك عشان تتاكد ان دة المكان المناسب ليك و قبل ما تشترك جرب الجيم كويس و متخليش قسم المبيعات يضغط عليك عشان تختار المكان الصح اللي حيحققلك الامنية اللي بتتمناها كل سنة.

 

التغذية مع التمرين مهمة جدا عشان تحقق حلمك و توصل للجسم المثالي. افتح مقاللتنا عن التغذية السليمة من هنا

 

 

 

 

 

 

 

 

 

 

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا