Sorry, you need to enable JavaScript to visit this website.
Skip to main content

6 أسرار عشان تخسي بعد الولادة

Mother and child

بعد الولادة، معظم الأمهات بيحسوا بالاحباط من زيادة وزنهم في فترة الحمل.بس ولا يهمك الموضوع مش محتاج قلق. كل اللي حتحتاجيه هو شوية ارادة على شوية نصايح و كل حاجة حترجع لطبيعتها في أسرع وقت. ال 6 نصايح دول هم سر نجاح كل ست عشان ترجع لوزنها الطبيعي بعد الولادة:

 

1. خدي وقتك.

الأطباء بينصحوكي بانك تستني لحد رجوع الدورة الشهرية بشكل طبيعي عشان تبدأي في رحلة خسارة الوزن. جسمك مر بتجربة مرهقة في الحمل و الولادة و محتاج فترة من الراحة علشان يقدر يمارس نشاطه الطبيعي تاني.

 

2.  احسبيها صح.

حددي الوزن اللي عايزة تخسيه بس خليكي واقعية. الهدف الواقعي انك ترجعي لوزن قبل الحمل أو أقل منه ب1-2 كيلو بالكتير.

 

3.  كُلي صح، مش أقل.

الأكل الصحي بالكميات المناسبة هو أهم خطوة في رحلة الرجوع للوزن الطبيعي. ممنوع نهائي انك تنسي وجبة من الوجبات. لاوم تاكلي على الأقل 3-4 وجبات في اليوم عشان تحمي نفسك من الجوع الشديد اللي بيخليكي تستسلمي للأكل اللي سعراته عالية:

 

  • الخضار أهم جزء في وجبتك (مطبوخ على البخار أو مسلوق بكمية قليلة من زيت الزيتون) عشان الألياف و الفيتامينات الموجودة فيه. الفاكهة و العصير كمان لازم يبقوا جزء من نظامك الغذائي.
  • أما البروتينات: اختاري اللحوم البيضا، الدواجن (من غير جلد)، و السمك و اللحوم الحمرا القليلة الدهون.
  • منتجات الألبان: اختاري الألبان القليلة الدسم و منتجاتها زي الجبنة القريش، الزبادي القليل الدسم. تعرفي ان زبادي نستلة 0% خالي من الدسم تماما؟
  • متهمليش الكربوهيدرات عشان طاقتك تفضل عالية.
  • ابعدي عن الحلويات و الأكلات اللي دهونها عالية زي اللحوم المعالجة، الوجبات الجاهزة و المعجنات.
  • المياه هي رفيقة كفاحك. ممكن تشربي شاي و أعشاب بش ابعدي عن المشروبات الغاذية عشان فيها سكر كتير.
  • لو نفسك في حاجات حلوة كتير، جربي تفاح أو أي مشروب باللبن في البيت بدل الكيك. طبعا كل فترة ممكن تاكلي اللي نفسك فيه عشان تشجعي نفسك تستمري.

 

4.  الرياضة ثم الرياضة.

ابدأي برياضة خفيفة زي السباحة و المشي. بعد فترة حوالي 3-4 أسابيع من الولادة ممكن ترجعي للجيم و الأيروبيكس الخفيفة و متنسيش ترتاحي. 20 دقيقة من تمارين البطن مرتين في الأسبوع أحسن من ساعتين مكثفين مرة واحدة في الشهر.

 

5.   الرضاعة

مع كل الفوايد اللي الرضاعة الطبيعية بتوفرها لطفلك، هي كمان بتساعدك تخسري حوالي 500 سعر حراري في اليوم. استغلي فترة الرضاعة بانك كمان تنظمي أكلك و تلعبي رياضة خفيفة عشان تحققي أحسن نتايج.

 

6. دلعي نفسك.

متنسيش تدلعي نفسك كل فترة بجلسات تدليك أو جلسات تفتيت للسيلولايت عند أطباء مختصيين. المتعة و الراحة النفسية بيساعدوكي تبقي في صحة أحسن.

متنسيش تستشيري دكتورك قبل تطبيق أي نظام غذائي أو اسألي أخصائي تغذية لنظام مخصوص ليكي.

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا