Sorry, you need to enable JavaScript to visit this website.
Skip to main content

فشار مش بس للسينما...فشار كمان للصحة

Popcorn

من أسعد لحظات الحياة اللحظة اللي بتجيب فيها فشار في السينما. ريحته القوية و صوته و هو بيتعمل ممكن تكون من أسباب حبك للسينما أصلا! بس بعيد عن طعمه، تعرف انه مفيد جدا لصحتك؟

 

1 جندي مقاتل "فشار"

الفشار غني بالمواد المضادة للأكسدة و بيساعد على الحماية من الأمراض و التحكم في أعراض الأمراض الخطيرة زي السرطان، أمراض القلب، و بتكافح أى جزئيات بتحاول تتلف الخلايا.

 

2 مع السلامة يا وجع االبطن!

الفشار فيه ألياف كتير بتساعد على الهضم و بتمنع الامساك. كوبايتين من الفشار فيهم 5 جرام من الألياف. ( جسمك بيحتاج في اليوم 25 جرام من الألياف) و عشان كدة هو من أحسن اختيارات السناك اللي متوفرة.

 

3 عايز تقوي عقلك؟ كل فشار!

الفشار غني بحمض أميني اسمه التربتوفان و دة بييساعد المخ على انتاج مادة السيروتونين اللي بدورها بتساعد على حفاظ المخ على توازنه العضوي و النفسي و يحسن من مزاجك و مستوى نشاطك.

 

4 مزاجك في فشارك

الفشار غني بالمجموعة الكاملة من فيتامين B المركب و هي من أهم العناصر الغذائية اللي بتضمن سلامة المواصلات العصبية في المخ و الجهاز العصبي في كل الجسم و دة بيقلل من التوتر و الضغط النفسي و العصبي و يخليك مبسوط.

 

  1. ريجيم الفشار!

أحلى حاجة في الفشار انك ممكن تاكله و ضميرك مستريح عشام هو خالي تماما من الدهون المشبعة و 2 كوب = 60 سعر حراري بس! و كمان من مميزاته انه بيحسسك بالشبع و بيزود معدل الحرق و بيساعد في تقليل الكولسترول في الدم. لو كنت مريض سكر أو مريض قلب، الفشار آمن جدا انك تستخدمه.

 

خلي بالك: انت حتستفيد بكل الفوايد دي بس لو عملت الفشار بطريقة صحية. 

 

 

محتويات هذا الحقل سرية ولن تظهر للآخرين.
  • اتصل بنا