Sorry, you need to enable JavaScript to visit this website.
Skip to main content

اتعرف على نوع الأكل اللي بيدمرلك شبابك

Beat the clock

مخاوف الشيخوخة بتبتدي تسيطر علينا من بداية الأربيعانات...تجاعيد، ترهلات، خشونة...كوابيس! تعرف بقى انك لو قللت استخدامك لنوع واحد من الأكل، بشرتك حتفضل شباب لمدة أطول؟ النوع دة هو الدهون! جرب النصايح دي عشان تفضل شباب لمدة أطول:

 

1. قلل الدهون.

عشان بشرتك تفضل شباب، لازم تقلل استخدامك للدهون المشبعة. استخدم الزيوت الصحية كمصدر للدهون الصحية اللي جسمك بيحتاجها يوميا.

 

2. كل عمايل ايدك.

زود من أكلك للخضار و الفاكهة و زود توم و ليمون و بهارات على أكلك. بدل الأكل الجاهز المشبع بالدهون و اختار أكل مطبوخ في البيت عارف مصدر الدهون اللي فيه منين.

 

3.  دهونك مش لازم تشبع!

الدهون المشبعة خطيرة جدا على صحتك. قلل من استخدامك للبروتينات المليانة بالدهون المشبعة و الكوليسترول زي اللحوم الحمرا، و الجبنة و السمنة و الزبدة. بديل كويس للحوم الحمرا هي الأسماك اللي بتبقى غنية بالأوميجا 3 و المواد المضادة للأكسدة. استهلاكك اليومي للبروتينات لازم يبقى بين 2-3 حصص و دة بيتضمن بروتين حيواني و نباتي زي المكسرات، الفاصوليا، و المشروم.

4. فضي الخزان.

الدهون المتخزنة في جسمك بتحاول دايما انها تأثر على شبابك. حاول خسارة الوزن الزيادة في جسمك و انشي على نظام غذائي صحي غني بالعناصر الغذائية اللي جسمك محتاجها و بتناسب سنك و حالتك الصحية.

 

5. حرك رجلك.

طريقة بسيطة للتحكم في نسبة الدهون في جسمك هي من خلال الرياضة. احرص على ممارسة الرياضة لمدة 30-60 دقيقة كزة مرة في الأسبوع.

 

6. اختار صح!

قبل ما تشتري أي منتج لازم تقرا المحتويات اللي فيه. ابعد تماما عن المنتجات اللي فيها زيوت مهدرجة و اختار المخبوزات الخالية من الدهون. اعرف ازاي تعرف المحتويات الغذائية للمنتجات من هنا.

 

دلوقتي تقدر تتحكم في شباب بشرتك بسهولة، اتبع النصايح دي و اتأكد انك بتشرب كمية مياه كافية و احنا بنوعدك ببشرة أفضل.

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا