Sorry, you need to enable JavaScript to visit this website.
Skip to main content

دليلك المختصر لمود مظبوط في 5 خطوات

Eggs

مشكلة كلنا بنمر بيها هي التقلبات المزاجية الغير مبررة. فجأة تلاقي نفسك زعلان و مش عارف لية و فجأة فرحان جدا من غير سبب. تعرف بقى ان نظام أكلك هو السبب؟ اعرف ال5 خطوات دي عشان مود دايما مظبوط:

 

1. متنساش الفطار

مخك الصبح بيبقى مفيهوش ولا نقطة بنزين عشان بتبقى في فترة صيام 8 ساعات. و دة سبب ان الصبح مودك مبيبقاش متظبط. عشان كدة وجبة الفطار أهم وجبة في اليوم و مينفعش أبدا نفوتها. اعرف ازاي تفطر صح من هنا.

 

2.  احسب كافيينك.

شرب كميات كبيرة من القهوة ليه أضرار على الصحة و منهم انهها بتأثر على ضربات القلب، و بتجيب لك أرق و بتخليك متعصب على طول. الكميات المناسبة من القهوة طبعا ليها فوايد كتير. بس عشان مودك يبقى متظبط، قلل من المشروبات اللي فيها كافيين زي القهوة و الشاى و المشروبات الغاذية.

 

3. بدل الحلويات بالفاكهة

الحلويات بتدي لك دعم مؤقت للطاقة بس بعد كدة مستوي السكر في الدم بيقل والمود بيتلخبط تاني. الفاكهة اختيار أحسن عشان بتتحول لطاقة ببطء من غير ميأثر على مستوي السكر في الدم.

 

4. متكترش.

الافراط في الأكل بيخلي مخك بطيء عشان بعد الأكل، الدم بينتقل من المخ للعملية الهضم. الافراط في الأكل بيأثر على كمية الدم في المخ و بيخلي مودك يلخبط. كل من 3-6 وجبات صغيرة في اليوم و ابعد عن الافراط.

 

5. امسك في فيتاميناتك و معادنك.

اكتر معادن مضادة للضغط النفسي هم الكلسيوم (منتجات الألبان و الخضار) و المجنيزيوم (المكسرات، الخضار، الفاصوليا، و اللب السوري) و عشان جسمك ينتج هرمون السعادة السيروتينين، متنساش فيتامين B6، و حمض الفوليك (اللحوم، السمك، النخالة، و الخضار)

 

كدة انت عرفت تظبط مودك ازاي، بس مش عايز تعرف السر ورا مود حلو و مبسوط؟

 

 

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا