Sorry, you need to enable JavaScript to visit this website.
Skip to main content

صيفك مظبوط في 3 خطوات

fitness

بعد الخروج من البيات الشتوي بنلاقي نفسنا زايدين في الوزن عشان في السقعة الخروج من تحت البطانية بيعتبر من المستحيلات و الأكل و المشروبات السخنة هي اللي بتهون علينا البرد. بس الصيف قرب...ايه الحل؟!! متقلقش ارمي الشتا ورا ضهرك و ابتدي اشتغل على فورمة الساحل من ال3 خطوات دي عشان جسمك يبقى مظبوط و صيفك يبقى مظبوط:

 

1-     خليك واقعي!

لما تقرر نوع الرياضة اللي حتلعبها و كام مرة حتلعبها في الأسبوع عشان تتوقع الوزن اللي حتخسره، خليك واقعي. لو تخيلت ان انت من أول أسبوع حتلعب 3 ساعات رياضة في اليوم و حتخس 20 كيلو، على أخر الشهر لما دة ميتحققش حتحس بالاحباط.

 

2-     متديش فرصة لرجلك ترتاح.

كام مرة قررت تروح الجيم و قلت من بكرة حبتدي و بعد أسبوع لقيت نفسك مروحتش بردو؟ مفيش حد فينا معداش بالتجربة دي. أحسن طريقة عشان تبتدي نظامك الرياضي انك تبتدي بخطوات صغيرة و منتظمة و تزود كثافة التمرين بالتدريج. و بما ان الصيف داخل، مفيش أحلى من البحر و السباحة فيه و المشي على الرملة مع صحابك. حاول كمان تغير من أسلوب حياتك اليومي فمثلا بدل ما تقعد تتفرج على ولادك بيلعبوا في النادي، شاركهم في اللعب.

 

3-     أكلك على طريق صح و مختصر

الريجيمات السريعة و الأدوية و ريجيمات المياه و غيرها من الأنظمة الغذائية بيقللوا من الحرق في جسمك و ممكن يخلوا جسمك يخزن دهون أكتر. طبعا انت حتحتاج تقلل من سعراتك الحرارية بس مش لدرجة انك تموت نفسك من الجوع و لا تحرم نفسك من الأكل الحلو ي:

 

  • خلي بالك من الألغام.

الحلويات بجميع أنواعها فيها سعرات حرارية عالية جدا، تقليل الحلويات حتساعدك في الوصول لهدفك أسرع.

  • اتخلى عن الدهون.

الدهون فيها ضعف السعرات الحرارية اللي في الكربوهيدرات و البروتينات، تقليلها ضروري عشان تحقق هدفك. أمثلة عن الأكل المشبع بالدهون: الوجبات السريعة، اللحوم الحمرا، المعجنات، منتجات الألبان الكاملة الدسم، الزيوت، الزبدة، و المايونيز.

  • اختار الصح

المتخصصين في التغذية بينصحوا ان من 45 ل 65% من سعراتك الحرارية تبقى من الكربوهيدرات بس الكربوهيدرات الصحية: الكربوهيدرات المركبة و الكربوهيدرات الغنية بالألياف زي الحبوب الكاملة و العيش السن، الرز البني، و الشوفان. تعرف ان نستلة فتنس مصدر صحي للكربوهيدرات و وجبة صحية على الفطار عشان تزود نشاطك؟

  • اختار صحتك

الأكل الصحي لازم يبقى رفيقك في رحلتك لتحقيق هدفك: الخضار، الفاكهة، الحبوب الكاملة، البرويتنات زي اللحوم، الأسماك، و الفاصوليا لازم يبقوا أساس أكلك. متنساش كمان تاخد احتياجك من الكالسيوم و الفيتامينات عشان جسمك بيحتاجهم في مهامه اليومية. (اعرف أكتر عن ال5 مجموعات اللي جسمك محتاجهم من هنا و متنساش تخلي بالك من الكميات اللي جسمك محتاجها من كل مجموعة).

 

احنا عارفين ان اغراء الأكل برة في الصيف كبير جدا بس انت تقدر تقاوم و تختار صحتك عشان جسمك يبقى مظبوط و صيفك كمان يبقى مظبوط!

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا