Sorry, you need to enable JavaScript to visit this website.
Skip to main content

اختار صحتهم دلوقتي

Child with milkshake

عمرك قعدت مع نفسك و افتكرت انك أم أو اب مهمل عشان ولادك أكلوا حلويات و سابوا الأكل الصحي؟ انت مش لوحدك. بما اننا عارفين ان كل حاجة بنأكلها لولادنا ليها تأثير عليهم، دايما بنبقى مرعوبين من أي حاجة بياكلوها. و عشان نخلصك من الرعب دة، حضرنا لك 6 نصايح عشان تغذية سليمة لولادك:

 

 

1. دخلهم المطبخ.

الأطفال بيتعلموا مهرات كتير عن الأكل و هما بيكبروا عشان كدة دخولهم المطبخ معاك لما تكون بتحضر أكلهم بيقى مفيد ليهم. ممكن كمان دة يساعدك توصلهم معلومات عن التغذية الصحية زي "اللبن بيخليك قوي" و "العيش بيدي لك طاقة عشان تلعب."

 

2. الحلويات مش نهاية العالم.

الأطفال عادة بيبقوا منجذبين للحاجات الحلوة و دي مش حاجة تخليك تقلق لو بياكلوا الحلويات باعتدال. أكل الحلويات كل فترة مش نهاية العالم. علم طفلك ازاي ياكل تصبيرة صحية و احرص على انك تأكلهم أكل صحي و هم في البيت و صحتهم حتفضل بمب!

 

3. الريجيم خط أحمر

لما يكون الموضوع صحة أطفالك، مينفعش أبدا تفكر انك تعملهم أي نوع من أنواع الريجيم عشان احتياجهم للعناصر الغذائية و الطاقة عالي جدا في السن الصغير. و لو قلقان على احتمال زيادة وزن طفلك حلولك السهلة عندنا:

  • ابني قواعد و عادات غذائية صحية للأسرة كلها.
  • شجع الرياضة لكل فرد من أفراد الأسرة.
  • استشير طبيب لو لسه بتواجه مشكلة.

 

4.   متجبرهمش.

الأطفال عادة عندهم القدرة انهم يحددوا كمية الأكل اللي بيحتاجوها عشان الأنشطة و اللعب لو سمحتلهم ياكلوا على حسب شهيتهم. انك تجبر ابنك انه يخلص طبقه ممكن يخليه ياكل أكتر من حاجته و دة حيسبب له مشاكل لما يكبر. اسمح لابنك انه يحدد كمية الأكل الكافية بالنسبة له و دة مفيهوش مشكلة لو بتقدم له أكل متنوع و مغذي باستمرار.

حلك البسيط: اغرف لطفلك كمية قليلة في الأول و خليه هو يزود لو حس انه مشبعش.

 

5.  "اشرب عشان تكبر."

الأطفال بيحتاجوا كمية كبيرة من السوائل عشان بيتحركوا كتبر و محتاجين عناصر للنمو. 3 كوبايات من اللبن في اليوم بتوفر لطفلك الكمية المناسبة من الكلسيوم لبناء العضم. و كمان لازم تشجعهم على شرب المياه بشكل منتظم خلال اليوم.

حلك البسيط: زود في وجبة طفلك في المدرسة عصير نسكويك الجاهز للشرب عشان هو بيساعدهم يفضلوا مركزين و يقظين خلال اليوم الدراسي.

 

6. خليك قدوة

أطفالك بيتعلموا منك و بيقلدوك في كل حاجة. لازم عشان تقول لهم انهم ياكلوا أكل صحي تكون انت كمان بتاكل أكل صحي. مينفعش تبقى حياتك وجبات سريعة و مشروبات غاذية و تطلب منهم انهم ياكلوا خضار و يشربوا لبن.

 

محتويات هذا الحقل سرية ولن تظهر للآخرين.
  • اتصل بنا