Sorry, you need to enable JavaScript to visit this website.
Skip to main content

اتحكم في المرض عن طريق الريموت كونترول

Water

يا سلام لو كان في اختراع زي الريموت كونترول يقدر يخلينا نتخلص من الأمراض بسهولة؟ أو بلاش طمع، يخلينا نقدر نتحكم في أعراض الأمراض و نقللها شوية؟ تعرف بقى ان الريموت دة موجود أصلا بس محدش بيقدره؟ المياه فوايدها كتير بس أهم حاجة انها هي الريموت كونترول دة! المياه بتساعدنا نتحكم في أمرض كتير زي:

1.  الحساسية و أزمة الصدر.

زيادة شرب المياه بتقلل مستوى الهيستامين خلال أسبوعين أو ثلاثة، و بتقلل تكوين المخاط وبتفتح ممرات للرئة، وبالتالى بترجع التنفس لحالته الطبيعية.

 

2 .  مشاكل الكلى والمثانة

شرب كميات كافية من المياه بيساعد على تنشيط المثانة و بيخلصها من البكتيريا اللي ممكن تسبب التهابات فى مجرى البول.

نصيحة من خبير: ابعد عن شرب الشاي و المشروبات الغازية عشان ممكن يهيجوا المثانة.

 

3. ارتفاع ضغط الدم والكولسترول

شرب كميات كافية من المياه بيخفض ضغط الدم والكولسترول في الجسم. المياه بتقلل من سُمك الدم و بالتالي بيقدر يتحرك في الجسم بشكل أسهل. المياه كمان بتنضف الجسم من الأملاح الزايدة.

 

 4.  الجلطات

المياه بتقلل من سمك الدم و دة بيقلل خطر التعرض للجلطات. لو حسيت انك بتمر بأعراض جلطة اشرب مياه بسرعة و اطلب مساعدة طبية لأن المياه لما تخفف من سمك الدم، الأكسجين حيوصل للمخ بشكل أسهل.

خلي بالك: من أعراض الجلطة: تنميل أو ضعف أو شلل مفاجئ فى الوش، الذراع، أو الرجل - صعوبة مفاجئة فى الكلام أو فى فهم الكلام - زغللة أو رؤية مزدوجة أو ضعف فى الإبصار مفاجئ - دوار مفاجئ، فقدان التوازن أو التناسق - صداع شديد مفاجئ معاه تصلب في الرقبة.

 

  1. آلام الظهر والمفاصل

الأقراص الموجودة بين فقرات الظهر بتتكون من قشرة خارجية مليانة بالمياه. نقص المياه بيزود الضغط على الفقرات دي و يخليك تشعر بألم وخشونة. شرب كميات أكبر من المياه بيساعد على تليين المفاصل وتخفيف الألم.

 

  1. السكر

مريض السكر بيحتاج لشرب كميات كبيرة من المياه لأن السكر االزيادة فى الدم (الجلوكوز) بيخليه يحس بجفاف. العطش من أهم العلامات اللي بتدل على أن مستوى الجلوكوز فى الدم عالي. المياه بتساعد على تكسير السكر، الحماية من الشعور بالإجهاد، وتحسين الأداء البدنى.

نصيحة من خبير: لو كنت مريض سكر، بدل العصائر و المشروبات الغازية المسكرة بمياه فيها فاكهة أو ليمون.

 

محتويات هذا الحقل سرية ولن تظهر للآخرين.
  • اتصل بنا