Sorry, you need to enable JavaScript to visit this website.
Skip to main content

دليل وجبة الأبطال...ازاي تاكل زيهم؟

Egyptian Breakfast

أهم وجبة الأبطال و الرياضيين بيهتموا بيها هي وجبة الفطار عشان الفطار معناه انك بتدخل جسمك غذاء بعد 8 ساعات من الصيام اثناء النوم. بعد 8 ساعات مريحة في النوم، جسمك بيبقى في أمس الحاجة للعناصر الغذائية عشان ياخد الطاقة اللي محتاجها خلال اليوم. طيب ازاي بقى تفطر زي الأبطال؟

 

1.   الفطار الصحي لازم يتكون من 25% من سعراتك الحرارية في اليوم. الانسان البالغ بيحتاج عادة حوالي 2000 سعر حراري بس دة بيختلف من شخص لشخص على حسب السن و مؤشر كتلة الجسم و معدل الحركة في اليوم.

2. 50% من طبقك لازم يبقى بروتين، 30% كربوهيدرات، 20% منتجات ألبان.

3.  البروتين هو أهم عنصر في الفطار عشان بيساعد الجسم في تحفيز معدل الحرق في بداية اليوم. من الاختيارات المناسبة للبروتين في الفطار: الفول، البيض، الشوفان، و الجبنة.

4.  الفطار الصحي لازم يوفر لجسمك كمية مناسبة من اللبن عشان هو مش بس بيزود جسمك بالكلسيوم لا دة كمان فيه بروتين و كربوهيدرات. لو معندكش وقت كافي انك تحضر وجبة على الفطار تعرف كمان انك ممكن تشرب ميلك شيك يوفر لجسمك كل اللي هو محتاجه و سريع التحضير ممكن تشربه في السكة و انت رايح الشغل؟

 

احنا عارفين انك ساعات بتبقى تعبان جدا الصبح و لسه مفوقتش لدرجة انك مش قادر تفكر تاكل ايه. متقلقش خلي التفكير علينا. جرب منيو الفطار بتاعنا و مش حتحتاج تضيع وقت في التفكير كل يوم.

 

علم نفسك و عيلتك أهمية الفطار و متنساش تدخل رياضة في نظامك الغذائي و اتفرج على الفرق في صحتك. اختار صحتك، و متنساش وجبة الفطار.

 

 

 

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا