Sorry, you need to enable JavaScript to visit this website.
Skip to main content

شربت مياه قد ايه النهاردة؟ طرق ذكية تخليك تشرب مياه اكتر كل يوم

مياه

 

كلنا عارفين ان شرب المياه كتير كويس لصحتنا. المياه بتحسن صحة الجهاز الهضمي والبولي وبترطب وبتروق البشرة جداً. شرب المياه كتير بيخلصك من السموم اللي ممكن تكون في الجسم. بس كلنا أوقات بننسى او بنكسل نشرب مياه. دي شوية طرق تخليك تشرب أكتر كل يوم.

 

حط لنفسك هدف

ممكن تبتدي ب 8 اكواب مياه في اليوم وبعد اول اسبوع تزود الكمية. اكتب في كراسة صغيرة او على الموبايل كل لما تشرب مياه وإتأكد انك كل يوم توصل للهدف اللي انت حطيته لنفسك.

 

إستعمل تطبيقات الموبايل

في تطبيقات بتفكرك انك تشرب مياه. ده هيساعدك انك ماتنساش وماتكسلش.

 

التغيير مهم

أوقات اللي بيخلينا نكسل نشرب مياه هو اننا بنزهق منها. عشان تتجنب ده (وكمان تزود الفايدة اللي بتاخدها من المياه) ممكن تنقع في المياه حاجات تضيف لها طعم حلو وكمان تخليها مفيدة أكتر. حط في المياه خضار وفاكهة وأعشاب زي الخيار، النعناع، الجنزبيل، القرفة، البطيخ، الليمون، الرمان... وحطها في التلاجة طول الليل واشربها تاني يوم. المياه هيبقى طعمها مختلف وهيبقى فيها فوايد أكتر!

 

خلي المياه جزء من روتين الصبح

كلنا بنفتكر القهوة والفطار بس عمرنا ما بنفتكر المياه الصبح. مع ان من احسن الحاجات اللي ممكن تعملها هي انك تشرب مياه على الريق. خلي شرب كباية مياه كبيرة جزء مهم من روتينك الصبح.

 

خليها معاك في كل مكان

دي أهم خطوة. انت اكتر وقت بتحتاج فيه المياه هو وانت برة في الشارع، وقتها بتفقد كتير من المياه في جسمك وفعلاً بتعطش، بس اوقات كتير بيبقى مش معانا مياه. فعشان كده أهم خطوة انك تخلي معاك مياه دايماً. فكر نفسك قبل ما تنزل من البيت ودايماً شيل لنفسك قزازة في التلاجة عشان تبقى جاهزة في أي وقت وانت خارج.

محتويات هذا الحقل سرية ولن تظهر للآخرين.
  • اتصل بنا