Sorry, you need to enable JavaScript to visit this website.
Skip to main content

أخيرا: حل المعادلة الصعبة للسعادة في 3 خطوات

Vegetables

عارف الاكتئاب الغير مبرر دة اللي بيجيلك فجأة فتقوم تاكل الحاجات الحلوة اللي موجودة في البيت كلها و تفتكر انك كدة حليت المشكلة و بعد نص ساعة تلاقي مزاجك اتقلب تاني؟ مش عايز تعرف ايه سر السعادة المزاجية و ازاي تخليها مستقرة؟

 

السر في التوازن!

السر دايما في التوازن بين الكربوهيدرات المركبة، البروتينات، و الدهون: (اعرف أكتر عن الطبق الصحي من هنا)

 

  1. الكربوهيدرات.

السكر بيحسن من مزاجك بشكل مؤقت بس الكربوهيدرات المركبة بتضخ جلوكوز في الدم بشكل مستقر و بتفرغ الطاقة بشكل بطيء، و بتساعدك على الاسترخاء و تقليل هرمونات الضغط العصبي.

 

حلك البسيط: الكربوهيدرات المركبة موجودة في الحبوب الكاملة (زي العيش البلدي، العيش البني، البليلة، و البرغل)، الفاصوليا، المكسرات، و الخضار. أحسن حل انك تجمع بين الكربوهيدرات المركبة و البروتينات عشان تحسن من انتاج هرمون السعادة: التربتوفان.

 

  1. لبروتينات

البروتينات بتخليك نشيط أكتر، بتحسن من الذاكرة و الاستيعاب، و بتكافح الاكتئاب و بتقلل الجوع. كمان البروتينات بتخلي جسمك يفرز مواد كيميائية خلايا مخك بتحتاجها عشان تتواصل بشكل سليم.

 

حلك البسيط: البروتينات موجودة في اللحوم، الفراخ، السمك، منتجات الألبان، البيض، الفاصوليا، و المكسرات.

 

  1. الدهون.

المخ بيحتاج للدهون عشان ينتج خلايا جديدة تخليك تفكر و تحس بشكل أحسن بس نوع الدهون اللي بتاكلها مهم. ابعد تماما عن الدهون المشبعة الموجودة في اللحوم الحمرا، الزبدة، السمنة، اللي بيرفعوا الكوليسترول في الدم. الدهون الغير مشبعة و الأوميجا 3 هي اللي بتساعدك تظبط مزاجك و تخليه مستقر و تكافح الاكتئاب.

 

حلك البسيط: أفضل مصادر للأوميجا 3 هي الأسماك بالذات السلمون، الماكريل، السردين، الرنجة، و الأنشوجا و كمان حتلاقيهم في المكسرات بالذات اللوز، و لب القرع العسلي، و الخضار الأخضر الغامق زي السبانخ.

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا