Sorry, you need to enable JavaScript to visit this website.
Skip to main content

ودع الضغط العالي في 6 خطوات.

الاكل للضغط العالي

كل واحد فينا مع الأسف عنده حد قريب منه بيعاني من مرض الضغط. و المرض دة بقى مرتبط في دماغنا بأدوية كتير مدى الحياة. محدش بيقول لنا ان في حلول طبيعية و سهلة متوفرة لنا عشان نقضي على المرض دة أو أقل حاجة نخفف تأثيره على حياتنا. تعرف ان تغييرات بسيطة في أكلك ممكن تساعدك أنك تتخلص من الأدوية الكتير اللي بتاخدها كل يوم

1 اقبل هدايا الطبيعة

المنتجات الطبيعية دايما هي سرك لصحة أحسن. الخضار و الفاكهة حيساعدوك انك تحارب الضغط العالي فمثلا الدراسات أثبتت ان العنب الأحمر، الكرفس، و الثوم، ليهم تأثير قوي في توسيع الشرايين اللي في الأخر بيقلل من ضغط الدم. حبوب الشوفان الكاملة كمان ليها مفعول قوي.

 اسأل مجرب: استخدم الثوم كل يوم في أكلك لمدة 3 شهور و كل نص كوباية شوفان عشان ضغطك يتزبط.

 

2 علاجك في فيتاميناتك.

احرص ان أكلك يكون غني بفيتامين C عشان هو بيساعدك على تقليل أعراض ارتفاع ضغط الدم. ان أكلك يكون فقير من فيتامين C دة بيزود خطورة أعراض الضغط العالي.

 اسأل مجرب: انت محتاج حوالي 75-90 ملجم فيتامين C كل يوم. عشان تتأكد ان جسمك أخد الكمية اللي محتاجها من فيتامين C، احرص انك تاكل برتقانة كبيرة كل يوم. الفلفل الأحمر و البروكلي كمان من الأكل الغني بفيتامين C.

 

3 علاجك في أعماق البحار.

المأكولات البحرية ليها قدرة عالية في المساعدة على خفض ضغط الدم. احرص انك تاكل سمك غني بدهون صحية زي السالمون، الماكريل، و السردين مرتين في الأسبوع. (وصفات أسماك)

 

4  طريقك أبيض

تعرف ان كوباية واحدة من منتجات الأبان في اليوم بتديلك كمية كبيرة من الكالسيوم اللي بيشتغل على خفض ضغط الدم؟

 اسأل مجرب: لو انت عامل ريجيم أو عايز تحافظ على وزنك، استخدم منتجات ألبان خالية الدسم عشان تاخد نفس نسبة الكالسيوم من غير دهون. تعرف ان علبة زبادي نستلة لايت فيها أقل من نص جرام دهون؟

 

5  الشوكولاتة مش عدوتك!

الماجنيزيوم بيساعد على مقاومة الضغط بالذات عند السيدات. حتلاقي المجنيزيوم موجود في الشوكولاتة الدارك زي كيتكات دارك، العيش البلدي، المكرونة و المكسرت.

 خلي بالك: مازودش من الأكل دة عشان سعراته الحرارية عالية و ممكن تزود وزنك.

 

6  ابعد عن السم الأبيض!

الملح الكتير في الأكل له تأثير خطير على صحتك عشان فيه كمية كبيرة من الصوديوم و دة بيعلي الضغط. استخدم معلقة واحدة من الملح في اليوم كحد أقصى.

اسأل مجرب: : ممكن تبدل الملح بأنواع مختلفة من التوابل الطبيعية و انت بتطبخ عشان تحلي طعم أكلك و في نفس الوقت تقلل من خطر التعرض لضغط دم عالي. التوابل زي التوم و الكركم و الكمون و البقدونس فيها كمية كبيرة من المواد المضادة للأكسدة حتساعدك في التقليل من أعراضه.

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا