Sorry, you need to enable JavaScript to visit this website.
Skip to main content

4 نصايح عشان وجبتك متفضلش ناقصة

Side-dish

اخترت الطبق الرئيسي خلاص؟ تاكل ايه جنبها بقى؟ بطاطس محمرة؟ ذرة؟ ولا خضار سوتيه؟ ممكن تفضل محتار تاكل ايه جنب أكلك لحد ما نفسك تتسد و تقرر ماتكلش أصلا! الاطباق الجانبية بتكمل القيمة الغذائية للطبق الرئيسي عشان كدة لازم تختارها صح:

 

  1. الخضار دراعك اليمين

لما تقرر تاكل برا البيت، طبقك الرئيسي بيبقى مليان بكل أنواع الدهون و عشان كدة لازم تبعد تماما عن الأطباق الجانبية المقلية. أحسن اختيار ليك عشان تكمل قيمة وجبتك الغذائية: الخضار السوتيه أو الذرة بس أهم حاجة تطلب تقليل الدهون من الأطباق دي كمان.

 

  1. مش قولنالك الخضار دراعك اليمين؟

لما بيكون عندك عزومة دايما بتحتار تعمل مقبلات أو أطباق جانبية ايه لأنك بتبقى محتاس في الأطباق الرئيسية و عايز حاجة سهلة و سريعة. أسهل حل؟ اسلق أو اشوي الخضار المجمد و زود رشة توابل عشان طعم أحسن.

 

  1. اقلى أكلك في الفرن.

طبعا عارفين ان الأكل المقلي طعمه حلو بس المشكة ان هو خطر جدا على صحتك. ممكن تبدل البطاطس المقلية، السمبوسك، و صوابع الموتزاريلا المقلية بأطباق جانبية مخبوزة أو محمرة في الفرن و زود توابل عشان الطعم المقرمش بس بدهون و خطر أقل على صحتك.

 

  1. اختار المنتجات الكاملة.

احرص على استخدام منتجات القمح و الحبوب الكاملة،  زي الرز البني والمكرونة البني والشوفان والدقيق السميد والعيش الردة والذرة.

 

لأن عينك بتأكل قبل ما انت تاكل، احرص ان وجبتك تبقى مليانة بألوان مختلفة عشان تفتح نفسك و تشجعك تاكل أكل صحي. جرب وصفاتنا مقبلات الصحية و اللذيذة من هنا.

 

 

 

 

 

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا