Sorry, you need to enable JavaScript to visit this website.
Skip to main content

قوي عضمك في 5 خطوات

Food full of calcium

تعرف ان 30% من الشعب المصري بيعاني من مشاكل ليها علاقة بسلامة العضم؟ السبب الرئيسي لدة هو اننا بنهمل احتياج جسمنا للكالسيوم. امشي على ال5 خطوات دي عشان تزود من الكالسيوم في يومك و تقوي عضمك:

 

 

 

1-     ابدأ بدري!

 

العادات الصحية بتبدأ دايما من الصغر. شجع ولادك انهم يشربوا لبن بانك تدخل اللبن في أكلات بيحبوها زي انك تعملهم عصاير باللبن، تزود جبنة خالية الدسم على البورجر، و تعملهم حلويات باللبن. الدراسات أثبتت كمان ان الأطفال بداية من سن سنتين تقدر تعرف احتمال اصابتهم بهشاشة العظام.

 

أحسن حل:زود نسكويك الجاهز للشرب على وجبة أولادك في المدرسة علشان تزودهم بكالسيوم و فيتامين D. نسكويك فيه 21% من احتياج طفلك للكالسيوم في اليوم.

 

 

2-     صباح الخير يا كالسيوم.

 

عشان جسمك بيحتاج كمية كبيرة من الكالسيوم في اليوم، لازم تحاول تدخله في كل وجبة. وجبة فطار فيها جبنة زي الشيدر (200 ملجم)، القريش (155 ملجم)، و الفيتا (140 ملجم) من الكالسيوم حتبقى غنية بالكالسيوم و حتديك طاقة لباقي اليوم.

بديل من غير منتجات ألبان: معلقتين من العسل الاسود في الفطار بيدوا لك 380 ملجم من الكالسيوم.

 

نصيحة من خبير:

  • الجبنة الخالية من الدسم فيها نفس نسبة الكالسيوم بس بدهون أقل.
  • ابعد عن شرب اللبن مع الشاي عشان الشاي بيقلل من امتصاص الجسم للكالسيوم.

 

3-     معاد الغدا؟ يبقى معاد الكالسيوم!

 

طبعا صعب انك تدخل منتجات الألبان في كل أكلاتك، فيا ترى الكالسيوم حيجي منين؟ الخضار! تعرف ان كوباية فاصوليا خضرا فيها 150 ملجم من الكالسيوم؟

 

أحسن حل: زود كوباية من الجرجير على السلطة عشان تزود جسمك ب160 ملجم من احتياجه للكالسيوم.

 

 

4-     وجباتك خفيفة، بس فايدتهم عالية!

 

حاول تخلي حواليك سناك غني بالكالسيوم زي الجبنة و الزبادي الخالي الدسم (زي زبادي نستلة خالي الدسم). اعمل صوصات من الجبنة و قدمهم مع العيش المحمص كسناك أو زودهم على وجبتك الرئيسية. ممكن كمان تختار تقدم حلويات غنية بالكالسيوم زي البودينج، الكاسترد، و الأيس كريم. (خلي بالك من السعرات الحرارية، اختار منتجات خالية أو قليلة الدسم)

 

بديل من غير منتجات ألبان: 2 برتقال وسط= 130 ملجم من الكالسيوم، ربع كوباية من اللوز فيها 80 ملجم من الكالسيوم.

 

 

 5 -     مش بتحب اللبن؟ مفيش مشكلة!

 

لو مش بتحب اللبن، أو عندك مشكلة مع اللكتوز، مفيش مشكلة تقدر بردو نزود جسمك باحتياجه من الكالسيوم عن طريق انك تاكل 5 حصص من الخضار و الفاكهة في اليوم. (اعرف أكلات غنية بالكالسيوم مفيهاش منتجات ألبان من هنا).

 

مشاكل العضم ممكن تتفندها تماما لو اتأكدت ان جسمك أخد كل احتياجاته من الكالسيوم في اليوم. الجدول دة حيوضحلك احتياجك اليومي من الكالسيوم:

 

الاحتياج اليومي للكالسيوم

السن

النوع

800 ملجم

6 شهور- 8 سنين

أطفال

1300 ملجم

9-12 سنة

 

1300 ملجم

حامل أو مرضعة

نساء

1000 ملجم

25-49

 

1200 ملجم

أكتر من 50

 

1000 ملجم

25-64

رجال

1200 ملجم

أكتر من 65

 

 

 

 

 

 

 

 

 

 

 

 

*هذة الكميات مأخوذة من مرجع الكميات الغذائية التي حددتها موؤسسة الصحة

 

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا