Sorry, you need to enable JavaScript to visit this website.
Skip to main content

أخيرا: 8 حلول بسيطة عشان ولادك يحبوا الخضار

Lunch box

من أكبر الكوابيس لكل الاباء و الامهات هي فقرة اقناع الأطفال بأكل الخضار. انت عارف انهم محتاجين للخضار عشان يكتمل نموهم بس بتواجه احتمال ان ولادك يجروا و يستخبوا منك لما يجي وقت الأكل و الحل الوحيد انك تخليهم يحبوا الخضار. طبعا انت مش مصدق حيحبوا الخضار؟ ازاي؟ في 8 حلول بسيطة:

 

1.  تقدر تبقى قائد؟

أهم صفة في صفات القائد انه بينفذ بنفسه اللي بيطلب من الناس ان هم كمان يعملوه. عشان طفلك يحب الخضار لازم انت كمان تحب الخضار أو على الأقل تتصنع انك بتحبه. خليه هدف شخصى انك تزود من أكل الخضار بنفسك بالذات لو بتاكل قدام ولادك.

 

2. سيب لهم القرار

ادي لأولادك المساحة انهم يختاروا. حاول تاخدهم معاك و انت بتشتري طلبات البيت و سيب لهم قرار اختيار الخضار اللي بيحبوه. كل ما تحاول تشاركهم في قرارات أكلهم، كل ما حيحبوا الخضار أكتر عشان هم اللي اختاروا.

 

3.  غير الروتين.

تقديمك لأطفالك نفس أنواع الخضار كل يوم بيخليهم يزهقوا بس تقديم أنواع مختلفة حيبين لك هم بيحبوا ايه و يدي لك فرصة تجرب لهم أنواع متشابهة و جديدة.

 

4.  استغل حكاية قبل النوم!

لو حكيت لطفلك حكايات فيها خضار قبل النوم حيخلي عندهم فضول انهم يجربوا أنواع جديدة من الخضار. حاول تخلي بطل الحكاية محب للخضار و عنده قوة خارقة بسبب الخضار و دة حيشجعهم يجربوا عشان يبقوا زي البطل.

 

5.  طلع الفنان اللي جواك.

اعرض الخضار بشكل حلو لأطفالك. قطع الخضار على شكل حيوان أليف بيحبوه أو نجمة أو أي شكل تاني. اعمل لهم أشكال في الطبق باستخدام خضار مختلف و ألوانه كتير.

 

6.   كُل كأنك في مطعم.

اعمل منيو لولادك يختاروا منوا الخضار اللي بيحبوه و قرر ان دة الخضار اللي الأسرة كلها حتاكله على الغدا. دة حيحسسهم بالمسؤلية و حيخليهم مهتمين أكتر.

 

7خليك خبيث.

لو طفلك بيفضل يرفض نفس النوع من الخضار كل يوم، ممكن تحاول تبقى خبيث و حطلهم الخضار دة في الوجبات اللي بيحبوها من غير ما يحسوا. بس متزودش في الكمية عشان ميحسوش بتغيير في الطعم.

 

8.   حط قواعد!

جرب انك تحط قواعد للأكل زي مثلا انك تخليهم يجربوا قطمة واحدة أو معلقة واحدة من الأكل حتى لو مش بيحبوه. بعض الأطفال بيبقى عندها انطباع انهم مش بيحبوا أكل معين عشان مش بيحبوا لونه أو شكله بس لو جربوه بيحبوا الطعم.

 

جرب حلول على قد ما تقدر و غير من اسلوبك كل مرة و متستسلمش أبدا لحد ما يحبوا الخضار.

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا