Sorry, you need to enable JavaScript to visit this website.
Skip to main content

6 أسباب لازم تاكل الفاكهة دي في الصيف عشانها

Bananas

اتربينا من و احنا صغيرين على اشاعة ان الموز من الفواكه اللي بتخن و لازم نبعد عنها عشان نعرف نحافظ على وزننا. بس الموز فضل صامد قدام كل الاشاعات و كل شوية يفاجئنا بفايدة جديدة...صمود الموز قدام كل الاشاعات اثبت انه غير انه لذيذ فهو كمان مفيد و صحي و مبيتخنش. ال6 فوايد دي حتخليك تاكل موز كل يوم:

 

1.   الموز بيشحن.

لو بتدور على مصدر تشحن بيه طاقتك، بطل تدوير! اعمل ميلك شيك بالموز و بكدة انت شحنت طاقتك عشان تكمل اليوم بنشاط.

 

2.    الموز بيخفف عنك.

الدراسات الحديثة أثبتت ان الموز بيساعد في مكافحة الاكتئاب عشان بيحتوي على مادة التريبتوفان و اللي هي نوع من أنواع البروتينات اللي الجسم بيحولها لسيروتينين اللي بيخليك هادي و بيخفف عنك الضغط النفسي، و بيدي لك احساس بالسعادة. يمكن عشان كدة القرود دايما مبسوطة؟

 

3.  الموز بيدافع عنك.

الموز غني بالبوتاسيوم بس بيحتوي على نسبة قليلة من الصوديوم و دة بيخليه يحيمك من ضغط الدم العالي.

 

4.   الموز حينجحك.

الدراسات أثبتت ان أكل الموز على الفطار و في المدرسة و على الغدا بيحسن من اداء المخ اللي بيساعد الطلاب على المذاكرة و بيخليهم مركزين أكتر.

 

5.   التدخين مبقاش مشكلة.

الموز بيساعد المدخنين على الاقلاع عن التدخين. فيتامينات B6، B12، و البوتاسيوم و المجنيسيوم بيساعدوا الجسم يتعافى من اثار النيكوتين المضرة عشان تأثيرهم الايجابي على المزاج العام.

 

6.    الموز رفيق كل بنت

الموز رفيق كل بنت بداية من التقلبات المزاجية للدورة و لحد الترجيع اثناء الحمل عشان فيتامين B6 بيشتغل على ظبط الجلوكوز في الدم و دة بيقلل من الاضطرابات اثناء الدورة و الحمل.

 

الموز علاج طبيعي لحالات كتير و عشان كدة متحرمش نفسك من فوايده الصيف دة. جرب وصفاتنا الغنية بالموز من هنا.

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا