Sorry, you need to enable JavaScript to visit this website.
Skip to main content

أهم حاجة مينفعش تتخلى عنها عشان تخس

Breakfast

كام مرة حاولت تخس و حسبت كل سعراتك الحرارية و لعبت رياضة و عملت كل حاجة صح بس بردو وصلت لمرحلة ان الدهون في جسمك بتعاندك و مش راضية تتنازل عنك؟ عارف المشكلة ايه؟ انك بتتخلى عن وجبة الفطار. لو عايز تخس مينفعش تحت أي ظرف تهمل وجبة الفطار بالذات للأسباب دي:

 

1. الفطار بيسيطر!

لما تتنازل عن وجبة الفطار، معدل الحرق في جسمك بيقل و نسبة السكر في الدم بتقل و بتحس بجوع شديد بعد وقت قليل و جسمك بيبقى مفيهوش طاقة ولا حيوية عشان تمارس نشاطك الطبيعي و دة بيخليك عايز تاكل أي حاجة سريعة و عادة الحاجة دي بتبقى مش صحية و بتخليك تتخن.

حلك البسيط: احرص انك تاكل وجبة فطار كاملة كل يوم عشان تزود جسمك بالعناصر الغذائية اللي محتاجها طول اليوم و تشغل عملية حرق الدهون و تسيطر على شهيتك باقي اليوم.

 

2.  الدهون: افتح يا سمسم! الفطار: لا!

لما تصحى من النوم، جسمك بيبقى في أشد الحاجة للطاقة و بيدور على الأكل على طول. لو منعت عنه الأكل، جسمك بيحس بالخطر و بيبتدي بخزن دهون من الوجبات اللي بتاكلها باقي اليوم عشان يحمي نفسه من أي نقص في العناصر الغذائية.

 

3. الفطار عميل سري.

لما تاكل وجبة الفطار، جسمك بيبقى نشيط و بيستخدم الأكل اللي بتاكله طول اليوم عشان يديلك الطاقة عشان تمارس نشاطك اليومي. فبدل تخزين الدهون الفطار بيشتغل عميل سري و يحرق الأكل اللي بتاكله في صورة طاقة جسمك بيستخدمها في شغله.

نصيحة من خبير: عشان فطارك يبقى كامل و يساعدك تخس لازم يبقى متوازن و فيه بروتينات، زي اللبن الخالي الدسم، الجبنة، البيض المسلوق، او شريحة ديك رومي مدخن و كمان كربوهيدرات زي الحبوب الكاملة زي Nestlé Fitness، العيش البلدي، الفاكهة عشان بتساعدك تشبع من غير دهون كتير.

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا