Sorry, you need to enable JavaScript to visit this website.
Skip to main content

ماتستهونش بالجري... 6 فوايد للجري هتخليك تجري كل يوم!

ماتستهونش بالجري

الجري من الرياضات السهلة المتوفرة لأي حد وتكلفتها قليلة جداً. مش بس كدة. الجري ليه فوايد كتير غير انه بيساعد في انقاص الوزن. دي فوايد للجري هتخليك تجري كل يوم!

 

تمرين لكل عضلات جسمك

لو مش هتقدر أو معندكش وقت تروح الجيم وتعمل تمارين مختلفة لكل عضلات جسمك، إجري. الجري بيمرن كل عضلات الجسم وبيساعدك على انك يبقى عندك عضلات مشدودة.

 

حرق عالي للسعرات

كلنا بنعمل مجهود عالي جداً واحنا بنجري، ده معناه انك بتحرق سعرات حرارية كتير. الحرق ده هو اللي بيساعدك على فقدان الوزن. فلو هدفك انك تخس أو تحافظ على وزنك، الجري هيساعدك كتير.

 

ساعة لقلبك

الجري مش بس بيمرن عضلاتك جسمك كلها، ده كمان بينشط عضلة القلب. الجري من الرياضات الكويسة جداً لصحة جهاز القلب والأوعية الدموية.

 

صفي ذهنك

مش دايما بنلاقي وقت كفاية عشان نفكر أو نتأمل. الجري بيدينا الفرصة اننا نعمل كدة. لما بتجري بتبقى لوحدك وتقدر تصفي ذهنك بجد وهتحس بفرق كبير في راحتك النفسية.

 

عظام قوية

الجري تمرين فيه تحميل لوزن الجسم. ده معناه انه بيساعد على تقوية العظام وعلى المدى الطويل الجري بيساعد على بناء عظام قوية.

 

رياضة سهلة

ده مش معناه ان الجري في حد ذاته سهل، لأنه فعلاً بيحتاج مجهود. بس الجري مش مكلف وممكن تعمله في اي مكان مش محتاج اشتراك نادي او جيم. مش بس كدة، الجري ممكن يتعمل حتى في وجود اطفال او حيوانات اليفة، بالعكس ده هيديهم الفرصة انهم هم كمان يتمرنوا. الجري رياضة ممكن اي حد في اي مكان يعملها.

محتويات هذا الحقل سرية ولن تظهر للآخرين.
  • اتصل بنا