Sorry, you need to enable JavaScript to visit this website.
Skip to main content

عايز بطن مشدودة؟ عندنا ليك خمس تمرينات سهلة

بطن مشدودة

دايما بناخد القرار اننا نبتدي نروح الجيم في لحظة حماس. وبنروح نشتري هدوم للرياضة ونستعد كويس ونعمل اشتراك الجيم. ويعدي الوقت والدنيا تشغلنا ونلاقي نفسنا في خلال الثلاث شهور بتوع اشتراك الجيم ماروحناش غير 3-4 مرات. بتحصل كتير!

 

البطن المشدودة مش بتيجي بالساهل. الموضوع بياخد شغل كتير وإنضباط. ومش بس كدة، لا كمان هتحتاج انك تمشي على نظام غذائي صحي ومغذي علشان تقلل نسبة الدهون في الجسم عشان تبان عضلات بطنك اللي انت بتمرنها. احنا سألنا خبراء رياضة وجمعنا لكم 5 تمرينات "سهلة" عشان تعملوها في البيت. التمرينات دي هتركز على عضلات البطن ومش هتحتاج غير ادوات ممكن تلاقوها بسهولة.

 

حركة العجلة

 

من احسن التمارين لعضلات البطن. نام على ضهرك على مرتبة التمرين في وضع مريح لأسفل ضهرك. حط صوابعك جنب راسك وإرفع ركبك بزاوية 45 درجة وبدّل كأنك راكب عجلة وقرب كوعك الشمال مع ركبتك اليمين والعكس.

 

التمرين ده متقدم فلو حسيت بضغط على أسفل ضهرك ماتعملهوش. وماتشدش راسك ورقبتك.

 

تمرين الجلوس (كرانش) المزدوج

 

نام على ضهرك وإثني ركبك لحد ما رجليك تبقى على زاوية 45 درجة وقدميك لسة على الأرض. حط ايديك على صدرك بشكل كروس او حط صوابعك جنب راسك. شد عضلات بطنك وإرفع راسك ورجليك من على الأرض بإتجاه بعض. ركز على عضلات بطنك السفلى والعليا وانت بتشد. ارجع للوضع اللي بدأت منه بالراحة بس ماتسيبش قدميك وكتافك تلمس الأرض.

 

زفير وانت بتطلع وشهيق وانت بترجع للوضع اللي بدأت منه. خلي عينيك على السقف وماتستعملش ايديك في انك ترفع راسك او تساعد نفسك في الحركة.

 

شفط البطن

 

التمرين ده بيمرن العضلة اللي بتشد البطن (الكورسيه الطبيعي في جسمك). دي العضلة اللي بتستعملها لما بتشفط بطنك.

 

ابدأ على الأرض في وضع الحبو. خلي ضهرك مفرود طول وقت التمرين ده. زفير كامل وبعدين إرخي عضلات بطنك تماما بس خلي ضهرك مفرود. بعد كدة اشفط بطنك جامد جداً لمدة 40 ثانية على الأقل وتنفس انفاس خفيفة من الأنف. لو مش قادر تكمل 40 ثانية مرن نفسك وهتتحسن. اعمل التمرين ده على أربع مجموعات كل مجموعة 40 ثانية.

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا