Sorry, you need to enable JavaScript to visit this website.
Skip to main content

ازاى اتحكم فى اكل الحلويات بعد وجبة الفطار

الحلويات

شهر رمضان الكريم شهر الخير و بتزيد فيه التجمعات العائلية و الصحاب و العزومات اللى دايما بيبقى فيا اصناف و انواع من الحلويات، و دى مشكلة بتواجه ناس كتير مش بتعرف تتحكم فى كمية الحلويات بعد و جبة الفطار و دة ممكن يسبب مشاكل كتير منها:

  1. زبادة الوزن و معدل الدهون فى الجسم
  2. عسر الهضم و الانتفاخ
  3. الحساس بالتعب و الارهاق
  4. الامساك و الصداع

زيادة الرغبة فى اكل الحلويات بعد الوجبة ليه اسباب كتير منها:

  1. اكل وجبة فطار غير متوازنة فيعا نسبة كبيرة من النشويات زى الارز و المكرونة و العيش، و دة بيسبب خلل فى نسبة السكر فى الدم و يبقى نفسك فى حلويات اكتر.
  2. الاكل بسرعة و عدم المضغ
  3. الاعتماد على اكلات غنية بالملح و البهارات.
  4. عدم شرب سوايل و مياه كفاية خلال فترة الفطار.

بس علشان نتحكم فى الرغبة فى اكل الحلويات بعد وجبة الفطار فى شوية خطوات هتساعدنا:

  1. نكسر صيامنا على التمر مع كوب من المياه و دة لأن التمر بيعتبر مصدر طبيعى للجلوكوز اللى بيساعد على وصول السوايل لخلايا الجسم و تنظيم سكر الدم.
  2. فى وجبة الفطار نعتمد على وجبة متوازنة من الالياف زى الخضروات و السلطة و البروتين الصحى قليل ملح و دهون زى صدور الفراخ و النشويات المعقدة زى البطاطس او البطاطا.
  3. الانتظار 30 دقيقة بعد الوجبة بدون اكل و دة هيقلل الرغبة فى اكل الحلويات.
  4. غسل الاسنان بعد الوجبة مباشرة.
  5. بعد وجبة الفطار بساعة نعتمد على بولة من الفاكهة المقطعة كمصدر طبيعى للسكر مع كوب من الزبادى اللى بتساعد على هضم صحى.

دى كانت شوية خطوات هتساعدك على التغلب على الرغبة فى اكل الحلويات بعد وجبة الفطار بس طبعا ممكن ناكل قطعة من الحلو حجم كف اليد مرة كل اسبوع.

 

محتويات هذا الحقل سرية ولن تظهر للآخرين.
  • اتصل بنا