Sorry, you need to enable JavaScript to visit this website.
Skip to main content

اكلات للسحور تقلل احساسك بالعطش فى رمضان

وجبة السحور

المياه هى اساس الحياه و مهمة جدا لوظايف الجسم و الاعصاب. قلة شرب المياه ممكن يسبب مشاكل صحية منها الصداع و الارهاق و جفلف البشرة و الشعر و مشاكل فى الهضم زى الامساك و عسر الهضم.

 

علشان كدة خلال شهر رمضان الكريم و بعد فترات صيام طويلة مع ارتفاع درجة حرارة الجو مهم جدا نشرب سوايل بكمية كافية بالذات المياه. المياه تعتبر مصدر للسوايل صحى اكتر من العصاير و المشروبات الغازية الغنية جدا بالسعرات الحرارية و السكر المضاف و كمان ممكن تسبب مشاكل فى الهضم.

علشان يقل احساسك بالعطش خلال فترة الصيام فى شوية خطوات هتساعدنا نتغلب على الاحساس دة:

 

  1. قبل وجبة الفطار نكسر الصيام على التمر مع كوب من المياه و دة لأن التمر بيعتبر مصدر طبيعى للجلوكوز اللى بيساعد الخلايا فى الجسم على تخزين السوابل و زيادة الطاقة.
  2. خلال وجبة الفطار نعتمد على بولة من الشوربة الخفيف اللى تعتبر مصدر للسوايل و تساعد على هضم صحى.
  3. طبق السلطة و الخضروات الطازجة مهم جدا فى وجبة الفطار بالذات الخضروات اللى فيها نسبة مياه عالية زى: الخيار، الجرجير، الخس و الفلفل الالوان
  4. بعد وجبة الفطار لاز نتحكم فى كمية الشاى و القهوة لان دى مشروبات غنية بالكافيين المدر للبول و يقلل السوايل
  5. نعتمد على الفاكهة الغنية بالمياه بين الفطار و السحور زى البطيخ و الكنتالوب
  6. شرب كوب من المياه كل ساعة بين وجبة الفطار و السحور

 

فى وجبة السحور:

 

- ممنوع الاكلات الغنية بالملح و البهارات لأن دى بتزود الاحساس بالعطش خلال فترة الصيام
- ممنوع الكلات المقلية و الغنية بالدهون زى البطاطس المحمرة
- الاعتماد على الرايب او الزبادى فى وجبة السحور اللى بيساعد على هضم صحى و يقل الاحساس بالعطش.
- نعتمد فى وجبة السحور على مصدر من القمح الكامل زى الخبز السن او الشوفان مع بروتين صحى زى البيض المسلوق او الجبن الملح الخفيف مع الخضروات الطازجة زى الخيار او الفلفل الرومى
- الابتعاد تماما عن المنبهات فى وجبة السحور زى الشاى و القهوة. 

محتويات هذا الحقل سرية ولن تظهر للآخرين.
  • اتصل بنا