Sorry, you need to enable JavaScript to visit this website.
Skip to main content

اتعلم المشي قبل ما تجري

Walking

 

لما نقرر نبتدي نلعب رياضة، دايما بتنخيل نفسنا بنطلع تلال و مرتفعات و بنحس ان أغنية "اتقدم" شغالة كمؤثر صوتي ورانا بس اللي بيحصل اننا نص ساعة أو أقل و بنلاقي نفسنا مش قادرين نتحرك. عشان عضلات جسمك محتاجة انها تتعلم تمشي قبل ما تجري، القواعد دي حتساعدك تتمرن صح:

 

1-     السر في الخفة و التكرار

بداية التمرين لازم تبقى بتمرين بسيط و متكرر زي المشي، العجلة، أو طلوع السلم. احرص انك تسخن قبل التمرين بحركات خفيفة و متكررة عشان عضلاتك متشدش بعد التمرين.

 

2-     سيب التقيل لبعدين

ابتدي التمرين بشكل خفيف و لو بتشيل حديد، ابتدي بأوزان خفيفة و بعدين زود الوزن تدريجيا. عضلاتك في أول التمرين بتبقى في حالة استرخاء و مش مستعدة انها تتحمل أوزان تقيلة بس مع الوقت مرونة عضلاتك بتزيد فبالتالي تقدر تشيل أوزان أتقل.

 

نصايح الكوتش:

 

  • سيب عمليات التمدد المتقدمة للمتخصصين أو لدروس اليوجا.
  • لما تسخن نوع من العضلات لازم تسخن بعدها العضلة المقابلة ليها. (Biceps vs Triceps)
  • سخن عضلات الفخدين قبل أوتار الركبة.
  • احرص انك تحافظ على رقبتك و العمود الفقري في خط مستقيم طول التمرين.
  • التسخين مدة طويلة بيزود الضغط على العضلات و ممكن يؤدي لاصابة.
  • اوعي تحاول تعمل عمليات التمدد أو التسخين لأي عضلات مصابة.

 

 

 

 

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا