Sorry, you need to enable JavaScript to visit this website.
Skip to main content

انت أم و حياتك مشغولة؟ متقلقيش، سيبي الحفاظ على رشاقتك علينا!

mom and daughter

لو انت أم فطبيعي انك مش لاقية وقت تتنفسي. حتروحي الشغل ولا تخلي بالك من البيت ولا الولاد ولا حتعملي ايه؟ الرياضة في الوضع دة مش بتبقى من أولاوياتك عشان انت مش لاقية أصلا وقت تخلصي فيه الحاجات اللي وراكي و بتوصلي لانك تهملي نفسك و لياقتك. ال4 نصايح دي حتساعدك تحافظي على لياقتك:

 

1-  "حب ما تعمل حتى تعمل ما تحب."

لا الكلام الكبير دة ملوش علاقة بالشغل متقلقيش. عشان تقدري تستمري في لعب الرياضة لازم الوقت اللي بتتمرني فيه يبقى وقت مفيهوش أي احساس بالضغط ولا التوتر. لو بتحبي الرقص، شغلى موسيقى بتحبيها و ارقصي عليها، لو بتحبي تغيري جو كل شوية انزلي اتمشيو جددي نشاطك. أهم حاجة تبقي بتحبي نوع الرياضة اللي بتعمليه عشان متحسيش ان الرياضة اتحولت لمهمة تقيلة على قلبك.

 

2- خليكي خبيثة.

مش لازم تخصصي ساعتين كل يوم عشان الرياضة، ممكن بكل سهولة تدخليها في روتينك اليومي وسط الحاجات العادية اللي بتعمليها من غير ماتحسي ان في وقت ضايع على الرياضة. بدل ما تطلبي من حد يجبلك كوباية مياه، قومي بنفسك و اشربي، بدل ما تطلعلي بالأسانسير، استخدمي السلم عشان تحرقي سعرات أكتر.

 

3- ولادك هم دراعك اليمين.

ساعات بيبقى صعب تلاقي حد ياخد باله من الولاد و بتفتكري ان انت كدة جالك عذر انك تكسلي على طبق من دهب. طب ليه ماتخديش ولادك معاكي و هم كمان يتعودوا انهم يلتزموا بممارسة الرياضة؟ لو أخدتيهم في النادي و لعبتي معاهم أي لعبة بيحبوها حتى لو حتجري وراهم بس، انت كدة لعبتي الرياضة بتاعتك!

 

4- اخلقي أعذار.

اخلقي عذر عشان تلعبي رياضة. اركني عربيتك بعيد شوية عن البيت أو عن شغلك عشان تتمشي، اتمشي للسوبرماركت بدل ما تطلبي دليفري. امشي كأن وراكي حاجة مهمة مستعجلة ليها.

 

الرياضة مهمة جدا ليكي مش بس عشان بيحميكي من مشاكل السمنة بس كمان عشان بتحميكي من أمراض كتير و بتقلل الضغط العصبي و النفسي.

 

محتويات هذا الحقل سرية ولن تظهر للآخرين.
  • الرسائل الإخبارية
  • اتصل بنا